Бадиий матнда белги муносабатлари

Тадқиқотнинг объекти 
сифатида Ўзбекистон xалқ шоири Рауф 
Парфининг «Сакина», «Туркистон руҳи» шеърий тўпламларига кирган айрим 
шеърлари танлаб олинган. 
Тадқиқотнинг предмети
ни Рауф Парфи шеърий асарларидаги матн 
структураси, белги ва унинг муносабатлари ташкил этади. 
Тадқиқотнинг 
усуллари. 
Диссертацияда 
структурал, 
семиотик, 
герменевтик усуллардан фойдаланилган. 
Тадқиқотнинг илмий янгилиги 
қуйидагилардан иборат: 
белги структураси таркибидаги билдирувчи-билинувчи муносабатлари 
ҳамда билвосита ва бевосита алоқалар аниқланган; 
матнлараро парадигматик ва синтагматик боғланишлар интерматн, матн 
адресанти сингари семиотика компонентлари муайян илмий-назарий 
хулосалар билан исботланган; 
Рауф Парфи шеърларидаги белги муносабатларининг ўзига хос 
хусусиятлари, матннинг кўламдорлиги, унинг коннотатив табиати 
асосланган;
бадиий матн тизимида бинар оппозициянинг муайян белгилар орасида 
содир бўлиши аниқланган, матн таркибидаги зид муносабатлар семиотик 
квадрат (СК) сатҳининг диагонал, вертикал ва горизонтал чизиқларида акс 
этиши далилланган. 
Тадқиқотнинг амалий натижалари 
қуйидагилардан иборат: 
миллий шеърият намуналари структур-семиотик усуллар ёрдамида 
тадқиқ этилган; 
бадиий матн тизимини юзага келтиришда парадигматик, синтагматик, 
бинар оппозициянинг аҳамияти ёритилган; 
Аристотель томонидан илмий истеъмолга киритилган мантиқий квадрат 
бадиий матнга нисбатан қўлланилган ва шу асосда зид муносабатлар бўйича 
зарурий хулосалар олинган. 
Тадқиқот 
натижаларининг 
ишончлилиги 
муаммонинг 
аниқ 
қўйилганлиги, назарий маълумотларнинг мавжуд илмий манбалардан 
олинганлиги, келтирилган таҳлилларнинг структурал, семиотик, герменевтик 
усуллар воситасида асосланганлиги, илмий фикр ва хулосаларнинг амалиётга 
жорий 
этилганлиги, 
олинган 
натижаларнинг 
ваколатли 
тузилмалар 
томонидан тасдиқланганлиги билан изоҳланади.