Сўз боши
Ушбу “Умумий геология” фанидан дарслик фойдали қазилмалар геологияси, кончилик иши, кон электромеханикаси, нефт ва газ геологияси ва геофизикаси йўналишларининг бакалавр талабалари учун ўқиладиган дастлабки назарий фундаментал – табий фандир.
Умумий геология фани бошқа табиий фанлар каби глобал аҳамиятга эга. Ернинг тузилиши келиб чиқиши ва ривожланиши бошқа фанларда бўлганидек, янги, замонавий қарашлар асосида ягона жинс сифатида ўз аксини топган. Дарслик космик, геохимик, изотоп изланишлар натижасида олинган маълумотларни эътиборга олиб тузилган. Бу маълумотлар Ер ҳақидаги фикрларни тубдан ўзгартиришига олиб келди.
Ер пўстининг ривожланиш қонуниятларига ҳозирги вақтда тан олинган “Янги глобал тектоника ёки плитатектоника ва кенгаювчи Ер” назариялари кириб келди. Бундан ташқари 2000 й Бразилияда бўлиб ўтган ХХХI Халқаро геологик конгрессда қабул қилинган янги геологик маълумотлар инобатга олинган.
Ҳозирги пайтгача маълум бўлган қўлланмаларда кейинги пайтда олинган янги маълумотлар етишмайди. Шу сабабли ушбу китобни ёзган муаллиф ўз олдига ҳозирги пайтда мавжуд бўлган янги маълумотлар асосида китоб ёзиб, эскириб қолган ортиқча маълумотларни тушириб қолдирди.
Мустақил Ўзбекистонимизни хом ашё базасини яратишда геологларнинг ўрни катта, чунки улар мамлакатимизни Ер ости бойликларини ўрганадилар, янги конларни қидириб топадилар. Ер қаърида ётган файдали қазилмаларни ҳосил бўлиш шароитини ва ва қазиб олиш усулларини билмасдан тоғ-кон саноатида илмий-техник тараққиёт мумкин эмас.
Геология фанининг аҳамияти Ер ости бойликларни тежамли ишлатишда ва атроф муҳитни ҳимоя қилишда жудда катта, чунки экология ҳозирги даврда ечилиши лозим бўлган энг асосий муаммодир.
Муаллиф дарсликни ёзишда қимматли маслахатлари билан ҳамда чоп этишда ҳар тарафлама ёрдам берган: Ташкент Давлат Техника университети ректори, профессори Ш.А. Шообидов, Ўзбекистон Республикаси геология ва минерал ресурслар Давлвт қўмитаси раиси М.Ғ. Мавлонов, МРИ деректори г.м.ф.д. проф. Б.А. Исаходжаев, Миллий университети Геология кафедраси профессори Р.Н. Абдуллаев, геология-минералогия фанлари доктори Х.А. Акбаров, Қ.Н. Абдуллабеков, Қ.Ў. Ўринбоев, г.м.ф.н. Р.Т. Зокиров, Т.З. Шермухамедовларга миннатдорчилик билдиради.
Мазкур дарслик ҳақидаги фикр ва мулоҳазаларини бизга юборган китобхонлардан миннатдор бўлар эдик.
Бизнинг манзил: Тошкент Университет кўчаси 2 Тошкент Давлат Техника университети Геология ва кончилик иши факултети Геология, минералогия ва петрография кафедраси.
Do'stlaringiz bilan baham: |