B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

FONETIK VOSITALAR Soʻz, mazmun kabilarni farqlash; uchun xizmat qiluvchi fonetik hodisalar. Quyidagilar shunday: xususiyatga ega: 1) nutq tovushlari (qiyos.: toy – soy); 2) soʻz urg‘usi (qiyos.: hozír – hózir, tortmá – tórtma); 3) fraza urg‘usi: (qiyos.: Doʻstim keldi – Doʻstim keldi); 4) intonatsiya (qiyos.: Dars boshlandi. – Dars boshlandi?)
FONETIK BIRLIK Nutq tovushi va shunga asoslanadigan hodisalar: boʻgin, urgʻu va b.
FONETIK ME’YOR Fonetik birlikning (fonemaning) adabiy til qoida-talab­lariga mos holda foydalanishini belgilovchi me’yor.
FONETIK QONUN Fonetik muvofiqliklar, fonetik oʻzgarishlarning izchil­ligi va oʻzaro bogʻliqligi. Masalan, urgʻusiz unlining reduksiyaga uchrashi qo­nuni, soʻz oxirida jarangli undoshning jarangsizlanishi qonuni va b.
FONETIK SOʻZ 1. Mustaqil soʻz bilan yordamchi soʻzning bir urgʻu ostiga birlashib, bir soʻzdek aytilishi. Masalan, oʻziyam (oʻzi ham), samminam (sen bilan), borganakan (borgan. ekan) va b.
2. So‘z fonetikaning o‘rganish obyekti sifatida.
FONETIK TAHLIL Soʻzning fonetik tuzilishi, fonetik tuzilishda yuz beradigan oʻzgarishlar, fonetik jarayonlar, tovush va harf, soʻz urgʻusi, boʻgʻin va sh. k. nuqtayi nazarlardan boʻladigan tahlil. So‘zshaklning ifoda plani.