Б. Н. Рахимов, А. А. Бердиев, Д. Б. Ибрагимов, Х. Г. Газиев. Рақамли телевидени фанидан лаборатория машғулотларини бажариш учун услубий кўрсатма. Тошкент: тату. 2018. 40 б

ЎЗБЕКИСТОН РЕСПУБЛИКАСИ АХБОРОТ ТЕХНОЛОГИЯЛАРИ ВА КОММУНИКАЦИЯЛАРИНИ РИВОЖЛАНТИРИШ ВАЗИРЛИГИ


МУҲАММАД АЛ-ХОРАЗМИЙ НОМИДАГИ ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ


ТЕЛЕКОММУНИКАЦИЯ ТЕХНОЛОГИЯЛАРИ ФАКУЛЬТЕТИ

Телерадиоэшиттириш тизимлари кафедраси

РАҚАМЛИ ТЕЛЕВИДЕНИЕ


фанидан
лабораториялар машғулотларини бажариш учун услубий кўрсатма

Тошкент 2018

Муаллиф(лар): Б.Н. Рахимов, А.А. Бердиев, Д.Б. Ибрагимов, Х.Г. Газиев. Рақамли телевидени фанидан лаборатория машғулотларини бажариш учун услубий кўрсатма. Тошкент: ТАТУ. 2018. -40 б.

Ўзбекистон Республикасида рақамли телевидение эшиттиришларни амалга ошириш, босқичма–босқич дастурга асосан, юртимизда халқаро

DVB-T стандартига биноан ер усти тизимида амалга оширилмоқда. Рақамли телевидениени тарқатишда MPEG-4 (Н.264) форматдаги сигналларни сиқиш усулидан фойдаланилмоқда. Ўзбеккистонда рақамли телевидениени аҳолига етказиш ва хизмат кўрсатишни ташкил этиш учун махсус UZDIGITAL TV корхонаси тузилган. Аҳоли эҳтиёжини ҳисобга олган ҳолда, рақамли телевидениега босқичма-босқич ўтиш даврида, мавжуд аналог телевизор билан рақамли сигналларни қабул қилиш учун “Telemax Elektroniks” корхонаси томонидан қўшимча қурилмалар ишлаб чиқарилган.
Рақамли телевидениени жадал суръатлар билан татбиқ этилиши шу йўналишдаги мутахассисларни тайёрлашга қўйиладиган талабларни оширмоқда. Шу сабаб ўқув дастурига киритилган “ Рақамли телевидение” фани юқори малакали мутахассисларни тайёрлашда муносиб ўрин тутади.
Услубий кўрсатмада “Рақамли телевидение” фанини ўзлаштириш жараёнида талабалар томонидан ўзлаштириши керак бўлган билимлар: рақамли телеэшиттиришларни тарқатишда телевизион сигналларни шакллантирилиши, уларга ишлов берилиши, эфирга узатилиши ва қабул қилиниши жараёнларидаги хусусиятлар бўйича мукаммал билимлар бериш. Рақамли тасвир ва овоз сигналларини сиқиш, сигналларни узатишдаги хатоликларни камайтириш усуллари бўйича тегишли маълумотлар бериш ва уларнинг турли тизимлардаги хусусиятларни тахлил қилишни ўргатиш. Ўзбекистонда рақамли телевидение, шу жумладан юқори аниқликдаги телевидениени (HD TV) татбиқ қилишдаги вазифалар билан таништириш ва тегишли амалий ишларни ёритиб бериш ҳақида маълумотлар келтирилган.
Услубий кўрсатма олий ўқув юртининг 5350100 – Телекоммуникация технологиялари (Телерадиоэшиттириш) таълим йўналиши талабалари учун мўлжалланган.
Услубий кўрсатма Муҳаммад ал-Хоразмий номидаги Тошкент ахборот технологиялари университети илмий-услубий кенгашининг қарори билан чоп этишга тавсия этилди (2018 йил “___” “_______” “___“ – сонли баённома).

Муҳаммада ал-Хоразмий номидаги Тошкент ахборот технолгиялари университети, 2018