Б. Н. Рахимов, А. А. Бердиев, Д. Б. Ибрагимов, Х. Г. Газиев. Рақамли телевидени фанидан лаборатория машғулотларини бажариш учун услубий кўрсатма. Тошкент: тату. 2018. 40 б

Мундарижа

ЛАБОРАТОРИЯ МАШҒУЛОТ МАЪЛУМОТЛАРИ 4
1– лаборатория машғулоти: Дискрет косинус алмаштириши асосида видеомаълумотларни сиқишни тадқиқ қилиш. 4
2– лаборатория машғулоти: Дискрет косинус алмаштириши асосида видеомаълумотларни сиқишни тадқиқ қилиш дастури ёрдамида RGB-YUV трансформациясини ўрганиш 9
3– лаборатория машғулоти: Вейвлет алмаштириш дастури асосида видеомаълумотларнининг статик тасвирларини сиқишни тадқиқ қилиш. 12
4– лаборатория машғулоти: Вейвлет алмаштириш чуқурлигини ўзгаришининг статик видеомаълумотлар сиқиш коэффициентига таъсирини ўрганиш. 16
5– лаборатория машғулоти: Квантлаш жараёнини видеомаълумотлар сиқиш қиймати ва статик тасвирлар сифатига боғлиқлигини тадқиқ қилиш. 18
6– лаборатория машғулоти: Тасвирлардаги кадрлараро ортиқчаликни маълумотлар видеооқимини сиқиш катталигига таъсирини ўрганиш. 19
7– лаборатория машғулоти: Ички ва ташқи тюнерларни ишлаш принципларини таҳлил қилиш. DVB-T тюнерларини таҳлил қилиш. 20
8– лаборатория машғулоти: LabView муҳитида телевизион узатгич чиқиш қувватини ўлчаш. 29
АДАБИЁТЛАР РЎЙХАТИ 36

ЛАБОРАТОРИЯ МАШҒУЛОТ МАЪЛУМОТЛАРИ

1– лаборатория машғулоти: Дискрет косинус алмаштириши асосида видеомаълумотларни сиқишни тадқиқ қилиш.

Ишдан мақсад. Турли ранг стандартларида (R, G, B) ҳамда, ёритилганлик ва рангфарқ сигналларини (Y, U, V) 8x8 ўлчамдаги блокларда дискрет-косинус алмаштириш усулида қайта ишлаш жараёнини тадқиқ қилиш.
Масаланинг қўйилиши. Дискрет-косинус алмаштириш принципини ўрганиб чиқиш. Кодер сиқиш коеффициентининг ўзгаришини қайта тикланган тасвир сифатига таъсирини амалиётда синаб кўриш ва ўрганиб чиқиш.
Қисқача назарий маълумот. Замонавий телевизион тизимларда сигналларни сиқиш жуда муҳим аҳамиятга эга. Тасвир ва видео сигналларни сиқишнинг бир қанча усуллари мавжуд. Жорий амалиёт ишида ДКА усулида тасвир сигналларига рақамли ишлов бериш алгоритмини таҳлил қиламиз. ДКА усули кам хатолик қилувчи ишлаш тезлиги бўйича юқори кўрсатгичга эгалиги билан ажралиб туради.
Тўғри ва тескари ДКА усуллари қуйидаги тенгликлар ёрдамида амалга оширилади (1, 2)
(1.1)
_(1.2)
бу ерда: график блокнинг u -вертикал v –горизонтал координаталари;
x – ички блок вертикал координатаси;
y - ички блок горизонтал координатаси;
u,v = 0 учун C(u), C(v) = 1/2
ва u,v ≠ 0 учун С(u), С(v) = 1

Ушбу усул кадрни сигналли матрицалар деб аталувчи 64 (8х8) пиксел ўлчамдаги блокларга бўлишга асосланади. (1.1 расм). Сўнгра ушбу сигналли матрицалар мос катталикдаги частотали матрицаларга айлантирилади ва икки ўлчамли матрица сифатида горизонтал ва вертикал йўналишлар бўйича кўриб чиқилади.