B. M. Mamatkulov, X. E. Rustamova jamoada hamshiralik

Halqaro qiyoslov uchun statistik ishlovlar: 
Halqaro kiyoslov 
uchun statistikaga kichik gavda og‘irligi bilan tug‘ilgan chaqaloqlar 
guruhi to‘g‘risidagi ma’lumotlarni kiritish tavsiya etilmaydi, chunki bu 
qiyoslanadigan 
ma’lumotlarning 
ishonchliligini 
susaytiradi. 
Mamlakatlar ro‘yxatga olish va hisobga olish ishlarini shunday tashkil 
etishlari lozimki, konkret holat va mezonlarni statistik ko‘rsatkichlarga 
kiritish uchun oson aniqlanishi mumkin bo‘lsin. Mazkur mezonlarga 
(masalan, 1000 g dan kichik gavda og‘irligiga ega homila) mos 
kelmaydigan homila va chaqaloqlar, agar yuridik va boshqa jiddiy 
asoslar bo‘lmasa, perinatal o‘lim statistikasidan istisno qilinishi lozim 
(agar kiritilsa, kiritilish sababi aniq asoslanishi lozim). Agar tug‘ilganda 
gavda og‘irligi, homiladorlik muddati va gavda uzunligi noma’lum 
bo‘lsa, o‘lim holatlari perinatal davrdagi o‘lim statistikasidan 
chiqarishdan ko‘ra aynan kiritilishi lozim. Mamlakatlar barcha 
ko‘rsatkichlar va nisbatlarning sur`ati kabi maxraji ham faqat 1000 g va 
undan ortiq gavda og‘irligiga ega: homila va chaqaloqlar (gavda 
og‘irligini xisobga olingandagi ko‘rsatkichlar va nisbatlar)ga tegishli 
statistik ma’lumotlarni takdim etishi kerak; kachonki tug‘ilganda gavda 
og‘irligi to‘g‘risida ma’lumot bo‘lmasa, homiladorlik muddati (28 to‘liq 
xafta) yoki gavda uzunligi (chanoq cho‘qqisidan 35 sm tovongacha)ning 
mos ko‘rsatkichlari qo‘llaniladi. 
O‘lik tug‘ilish, perinatal, neonatal va chaqaloqlar o‘limi hamda 
tug‘ma nuqsonlar natijasidagi o‘lim holatlarining sonini statistikasi 
bo‘yicha hisobotida imkon boricha tirik tug‘ilganlar va o‘lik tug‘ilganlar 
uchun alohida va shuningdek tug‘ilganda gavda og‘irligi 500-999g va 
gavda og‘irligi 1000 g va undan ortiq guruhlar uchun alohida ko‘rsatish 
lozim. Tug‘ma nuqsonlar natijasida neonatal davrdagi o‘lim holatlarini 
ilk va kech neonatal davrlar uchun aloxida kayd etish kerak. Bunday 
informatsiya tug‘ma nuqsonlar natijasida yoki ularsiz ro‘y bergan o‘lim 
holatlarini xisobga olib, perinatal va neonotal o‘lim haqidagi statistik 
ma’lumotlarni yoritishga imkon beradi.