B abdullayeva, M. Usmonbayeva, O’. Asqarova, F. Ehsonova, S. Hakimov

 
Shovinizm 
–  muayyan  millatning  jahon  tarixi  taraqqiyoti,  insoniyat 
sivilizatsiyasiga  qo’shgan  hissasiga  ko’ra  boshqa  davlatlardan  ustun  turishi,  uning 
“buyuk millat” ekanligi to’g’risidagi g’oyalarni targ’ib etuvchi ta’limot; millatchilik 
ko’rinishlaridan  biri.  Ushbu  ta’limot  mohiyatiga  ko’ra  ma’lum  “buyuk  millat”ning 
milliy  ustunligi  e’tirof  etiladi,  keng  ko’lamda  targ’ib  qilinadi,  uning  manfaatlarini 
boshqa millatlar manfaatlariga qarama-qarshi qo’yadi. Bu kabi g’oyalar tabiiyki turli 
millat va elatlar o’rtasidagi milliy nifoq, etnik ziddiyatlarning kelib chiqishiga sabab 
bo’ladi.  Shovinizmning  eng  xavfli  jihati  “kichik”  millatlar  haq-huquqlarini  toptash, 
ularning erki va ozodligiga dahl ko’rsatish, shuningdek, ularga nisbatan nafrat hissini 
uyg’otishdir. Ayniqsa, yoshlar ongiga shovinizm g’oyalarining singdirilishi nihoyatda 
xavfli.  Shu  sababli  ular  o’rtasida  “shovinizm”ning  mohiyatini  ochib  berish,  millat 
yoki  elatlarni  “katta”  yoki  “kichik”  tarzda  guruhlarga  ajratish  mumkin  emasligini 
tushuntirib borish maqsadga muvofiqdir.