B abdullayeva, M. Usmonbayeva, O’. Asqarova, F. Ehsonova, S. Hakimov

 
 
O’smirlar va yoshlarning jamoat tashkilotlari
  –  ta’lim  muassasalarida  amaldagi 
respublika  qonunchiligi  asoslari  hamda  ta’lim  muassasalarining  Ustavlari  va 
Nizomlariga  muvofiq  tashkil  etilib,  bolalar,  o’smirlar,  yoshlar  o’rtasida  ma’naviy-
ma’rifiy  yo’nalishda  faoliyat  olib  boradigan  jamoat  tashkilotlari.  Ular  ta’lim 
muassasasining Ustavida nazarda tutilgan o’quv-tarbiya jarayonini takomillashtirish, 
o’quv yurtida demokratiya va oshkoralikni rivojlantirish, majburiyatlarni bajarilishini 
ta’minlash, yoshlarning huquqlarini himoya qilish yo’lida faoliyat olib boradi. Jamoat 
tashkilotlarining  vakillari  maktab  kengashi  (Pedagogik  kengash),  direktor 
o’tkazadigan  majlislarda  ta’lim  muassasasiga  taalluqli  turli  masalalarni  muhokama 
etish  va  qarorlar  qabul  qilishda  qatnashish,  maktab  ma’muriyatidan  o’quv-tarbiya 
jarayoniga  oid  zarur  axborotlarni  olish,  pedagoglarning  attestatsiyadan  o’tishida 
ularning  o’quvchilar  bilan  o’zaro  munosabatlari  haqidagi  istaklarni  aytish  huquqiga 
ega.  Pedagogik  jamoa  hamda  bolalar,  yoshlar  tashkilotlarining  rahbarlari o’rtasidagi 
munosabatlar o’zaro hurmat, ishonch, mas’uliyat va hamkorlik asosiga quriladi.