B abdullayeva, M. Usmonbayeva, O’. Asqarova, F. Ehsonova, S. Hakimov

Ta’lim  muassasasini  boshqarishda  yakka  hokimlik  bilan  jamoatchilik 
boshqaruvi  birligiga  erishish  tamoyili 
–  ta’lim  muassasasini  boshqarish 
tamoyillaridan  biri.
 
Uning  afzalligi  ta’lim  muassasasini  boshqarishda  yakka 
hokimlikka yo’l qo’ymaslik bilan belgilanadi. Boshqarish faoliyatida o’quvchilarning 
tajribalari,  bilimlariga  tayangan  holda  turli  qarashlarni  taqqoslash,  oqilona  xulosalar 
chiqarish  muhimdir.  Vazifalarni  jamoa  yordamida  hal  qilish  har  bir  azoning 
javobgarligini yo’qqa chiqarmaydi. Shu bilan birga boshqaruvda yakkahokimlikning 
namoyon  bo’lishi  ham  ma’lum  afzalliklarga  ega.  Ya’ni  yakkahokimlik  pedagogik 
jarayonda  tartib-intizom,  vakolat  doirasi  va  unga  amal  qilishni  ta’minlaydi.  Shu 
sababli  qarorni  qabul  qilishda  kollegial  (lot.  “collegialis”  –  birlashgan,  birgalikdagi; 
ma’lum  ishni  bir  qancha  kishi  bilan  birgalashib,  kengashib  amalga  oshirish) 
yondashuv  ma’qul  sanalsa,  qarorning  ijrosini  ta’minlashda  yakkahokimlikka 
bo’ysunish zarurdir. Ta’lim tizimini boshqarishning davlat-jamoatchilik xarakteri bu 
tamoyilni amalga oshirish uchun zarur shart-sharoitni yaratadi.