B abdullayeva, M. Usmonbayeva, O’. Asqarova, F. Ehsonova, S. Hakimov

Ta’lim  muassasalarining  pedagog  kadrlar  tarkibi 
–  ta’lim  muassasalari 
faoliyatini  tashkil  etishda  ishtirok  etuvchi  shaxslar  guruhi.
 
Ta’lim  muassasalarining 
pedagog 
kadrlar 
tarkibi 
professor-o’qituvchilar, 
o’qituvchilar,  metodistlar, 
tarbiyachilar,  psixologlar,  defektologlar,  logopedlar,  sport  yo’riqchi  (instruktor)lari, 
musiqa  va  to’garak  rahbarlaridan  tashkil  topadi.  Maxsus  ma’lumotga  ega  pedagog 
kadrlarni  ishga  qabul  qilish  ta’lim  muassasasining  rahbari  (direktor,  rektor) 
tomonidan  shartnoma  tuzish  asosida  amalga  oshiriladi.  Pedagog  xodimlarni  ishga 
qabul  qilishda  shartnoma  tuzish,  uni  bekor  qilish  va  uning  amalda  bo’lish  muddati, 
ishga  qabul  qilingan  shaxsning  huquqi  va  majburiyatlari,  mehnatga  haq  to’lash  va 
mehnatni tashkil etish shartlari, ular uchun mehnat faoliyatida ijtimoiy-maishiy va b. 
zarur  shart-sharoitlarni  yaratib  berish  “Pedagog  xodimlar  bilan  mehnat  shartnomasi 
tuzishning  kontrakt  shakli  to’g’risida”gi  Nizom  talablariga  muvofiq  belgilanadi. 
Ularning  ishga  qabul  qilinish,  mehnat  jarayonidagi  huquqlari,  vazifalari,  ijtimoiy 
muhofazalanish  masalalari  O’zbekiston  Respublikasining  “Ta’lim  to’g’risida”gi 
Qonuni bilan tartibga solinadi.