B abdullayeva, M. Usmonbayeva, O’. Asqarova, F. Ehsonova, S. Hakimov

 
Pedagog  kadrlarni  attestatsiyadan  o’tkazish
  –  pedagogik  kadrlarning  kasbiy 
mahoratlarining  o’sishini  rag’batlantirish,  ta’lim-tarbiya  sohasida  ilg’or  pedagogik 
texnologiyalarni  yaratish,  ularni  amaliyotda  qo’llash,  ma’naviy-ma’rifiy  ishlar 
natijalarini  xolis  baholash,  egallab  turgan  yoki  da’vogarlik  qilinayotgan  toifa  va 
lavozimlarga  munosibliklarini  aniqlash,  ta’lim  muassasalarida  ta’lim-tarbiya 
jarayonining  sifatini  oshirish  maqsadida  amalga  oshiriladigan  rasmiy  tadbir. 
Attestatsiya har besh yilda bir marta O’zbekiston Respublikasi Vazirlar Mahkamasi 
huzuridagi Davlat test Markazi tarkibidagi “Kadrlar tayyorlash sifatini nazorat qilish, 
pedagog  kadrlar  va  ta’lim  muassasalari  attestatsiyasi  boshqarmasi”  hamda  Xalq 
ta’limi  Vazirligi  bilan  birgalikda  ishlab  chiqilgan  jadvallar  asosida  tashkil  etiladi.  
Pedagog  kadrlar  attestatsiyasini  tashkil  etish  jarayonida  quyidagi  ishlar  amalga 
oshiriladi:  pedagog  kadrlar  mutaxassislik,  me’yoriy-huquqiy  va  ma’naviy-ma’rifiy 
yo’nalishlar  bo’yicha  test  sinovidan,  suhbatdan  o’tkaziladi;  pedagog  kadrlar 
tomonidan o’qitayotgan fan bo’yicha o’quvchilarning bilim va o’zlashtirish darajalari 
o’rganiladi; o’quvchilar o’rtasida sotsiologik so’rovlar o’tkaziladi. 
Attestatsiya  jarayonida  pedagogning  kasbiy  sifatlari  darajasi  test,  suhbat 
natijalari, o’quvchilarning bilim darajalari, ilmiy,  o’quv-metodik ishlari va ixtirolari, 
ijodiy  ishlari,  ish  staji,  pedagogning  komissiya  tomonidan  o’rganilgan  kasbiy 
mahorati  va  rahbariyat  tomonidan  berilgan  baholar  ko’rsatkichlari  asosida 
belgilanadi.  Maxsus  maktablar,  maktabgacha  va  maktabdan  tashqari  ta’lim 
muassasalari,  madaniyat,  sport,  san’at  sohalari  pedagog  kadrlari,  muhandis-pedagog 
kadrlar  va ishlab chiqarish  ustalari o’z  mutaxassisliklari bo’yicha  alohida  suhbatdan 
o’tkaziladi. 
Pedagoglarni  attestatsiyadan  o’tkazish  uchun  mo’ljallangan  test  savollari 
to’plami  O’zbekiston  Respublikasining  Konstitutsiyasi,  “Ta’lim  to’g’risida”gi  va 
“Kadrlar  tayyorlash  Milliy  dasturi  to’g’risida”gi  Qonunlar,  DTS,  milliy  istiqlol 
g’oyasi  va  ma’naviyat  asoslari,  yangi  pedagogik  texnologiyalarga  oid  masalalarni 
qamrab oladi. 
Mutaxassislik  toifasiga  ega  pedagog  “attestatsiyadan  o’tmadi”  deb  e’tirof 
etilganda yoki tayanch ma’lumoti dars berayotgan faniga mos kelmaydigan pedagog 
kadrlar  qayta  tayyorlash  kurslaridan  o’tmagan  bo’lsalar  tegishli  ta’lim  muassasasi 
rahbari  pedagogga  o’z  mutaxassisligiga  ko’ra  attestatsiyadan  o’tishni,    qayta 
tayyorlash  yoki  malaka  oshirish  kursida  malaka  oshirishni  taklif  qiladi.  Mazkur 

---

 
166 
takliflarga  rozi  bo’lmagan  o’qituvchilarning  mehnat  shartnomasi  amaldagi 
qonunchilik  asosida  bekor  qilinadi.  “Attestatsiyadan  o’tmadi”  deb  topilgan 
pedagoglar  hamda  qayta  tayyorlash  yoki  malaka  oshirish  kursiga  yuborilgan 
pedagoglar bir yildan so’ng qayta attestatsiyadan o’tkaziladi.