B abdullayeva, M. Usmonbayeva, O’. Asqarova, F. Ehsonova, S. Hakimov

P 
 
Pedagogika 
(Pedagogika  nazariyasi;  o’quv  fani  sifatida)  –  har  tomonlama 
rivojlangan, barkamol shaxsni shakllantirish, unda dunyoqarash va yuksak ma’naviy-
axloqiy  sifatlarni  tarbiyalash  masalalarini  o’rganuvchi  fan.  Har  qanday  fan  singari 
“Pedagogika nazariyasi” fani ham o’zining tarkibiy tuzilmasiga ega. Bu fan, asosan, 
ikki  tarkibiy  qism  –  Ta’lim  nazariyasi  (Didaktika)  va  Tarbiya  nazariyasidan  tarkib 
topadi.  Biroq,  ixtisoslik  nuqtai  nazardan  turli  oliy  ta’lim  muassasalari  uchun 
mo’ljallangan “Pedagogika nazariyasi” fani o’ziga xos tarkibiy tuzilmaga ega bo’lishi 
mumkin.  Jumladan,  pedagogik  yo’nalishdagi  oliy  ta’lim  muassasalari  uchun 
mo’ljallangan  “Pedagogika  nazariyasi”  fani  (2013  yilga  qadar)  quyidagi  tarkibiy 
tuzilmaga  ega  bo’lgan:  1.  So’zboshi.  2.  Pedagogikaning  ilmiy  asoslari.  3.  Ta’lim 
nazariyasi  (Didaktika).  4.  Tarbiya  nazariyasi.  5.  Ta’lim  tizimini  tashkil  etish.  6. 
Korreksion (maxsus) pedagogika.  
Nopedagogik  oliy  ta’lim  muassasalari  uchun  mo’ljallangan  “Pedagogika 
nazariyasi”  fani,  asosan,  talabalarga  o’quv  yurtlarida  ta’lim  va  tarbiya  jarayonini 
samarali  tashkil  etishda  qo’l  keladigan  pedagogik  bilimlarni  berishga  xizmat  qiladi. 
Shunga  ko’ra  mazkur  fan  quyidagi  tarkibiy  tuzilmaga  ega  bo’lishi  mumkin:  1. 
So’zboshi.  2.  O’zbekiston  Respublikasida  ta’lim  tizimi.  3.  Pedagogikaning  umumiy 
asoslari.  4.  Pedagogik  mahorat  asoslari.  5.  Ta’lim  jarayonida  ilg’or  pedagogik 
texnologiyalarni qo’llash.