B abdullayeva, M. Usmonbayeva, O’. Asqarova, F. Ehsonova, S. Hakimov

 
Mustaqil-izlanuvchi
  –  belgilangan  tartibda  oliy  ta’lim  yoki  ilmiy-tadqiqot 
muassasasida    mustaqil-izlanuvchi  lavozimiga  qabul  qilingan  shaxs.  Oliy  ta’lim 
hamda  ilmiy  tadqiqot  muassasalarida  mustaqil-izlanuvchi  lavozimiga  talabgorlarni 
kirish  imtihonlarining  natijalariga  ko’ra  maxsus  komissiyalar  tomonidan  tanlov 
asosida qonun hujjatlarida belgilangan tartibda qabul qilish amalga oshiriladi.  
 
Mustaqil  ish 
–  o’quvchining  bilim,  ko’nikma,  malakalarni  o’zlashtirish 
jarayonini  o’zining  shaxsiy  sifatlari,  yosh,  psixologik,  fiziologik  imkoniyatlariga 
tayangan  holda  erkin  belgilashiga  qaratilgan  o’quv-bilish  faoliyati.  Ta’lim 
muassasalarida  mustaqil  ishlar  quyidagi  tartibda  tashkil  etiladi:  1)  mustaqil  ish 
sifatida  beriladigan  o’quv  topshiriqlari  mohiyatining  o’quvchilar  tomonidan    to’la 
tushunilishi;  2)  o’quv  topshiriqlarini  bajarish  yuzasidan  o’qituvchi  ko’rsatmasining 
berilishi;  3)  topshiriqlarni  bajarish  jarayoniga  rahbarlik  qilish;  4)  o’z-o’zini  tahlil 
qilish  va  o’z-o’zini  nazorat  qilish. 5.  O’quvchilarning  ishlarini  tekshirish,  erishilgan 
yutuq va xatolarni aniqlash, xatolar ustida ishlash.  
Mohiyatiga  ko’ra  mustaqil  ishlar  o’quvchilarning  irodasini  chiiniqtiradi, 
ishchanlik  va  aqliy  qobiliyatini  rivojlantiradi,  diqqatini  barqarorlashtiradi,  xotirasini 
mustahkamlaydi,  ularni  tartib-intizomga  o’rgatadi.  Mustaqil  ish  yangi  materiallarni 
o’zlashtirish, yangi bilimlarni o’zlashtirishda mashqlarni bajarish, mavjud bilimlarni 
mustahkamlash  va  takrorlash,  nazorat  ishi,  mustaqil  nazorat  ishi  sifatida  tashkil 
etiladi.