B abdullayeva, M. Usmonbayeva, O’. Asqarova, F. Ehsonova, S. Hakimov

 
Muloqot 
(a. “muloqot” – uchrashish, ko’rishish, qabul qilish) – ikki yoki undan 
ortiq  shaxslarning  o’zaro  bir-biriga  ta’sir  etish  usuli.  U  shaxslararo  axborot 
almashish, o’zaro ta’sirning yagona yo’lini tanlash, o’zgalarni tushunish, idrok etish 
va baholash xarakteriga ega. 
 
Munozara
 (a. “munozara” – bahs, tortishuv, mubohaza)  – tarbiyalanuvchilarga 
hissiy-og’zaki  ta’sir  ko’rsatish  asosida  ularda  ma’naviy-axloqiy  sifatlarni 
shakllantirishga  yo’naltirilgan  bahs-munozara  usuli.  U  ma’naviy-axloqiy,  siyosiy, 
iqtisodiy,  madaniy,  estetik,  ekologik    va  huquqiy  mavzularda  o’tkaziladi. Munozara 
asosida  turli  qarashlar  yotadi.  Bahs  ijobiy  natija  berishi  uchun  uni  tashkil  etishga 
jiddiy,  puxta  tayyorgarlik  ko’rish  talab  etiladi.  Munozara  uchun  5-6  ta  savol 
tayyorlanib,  ular  bilan  ishtirokchilar  oldindan  tanishtiriladi.  Ishtirokchilarning 
chiqishlari  jonli,  erkin  va  qisqa  bo’lishi  zarur.  Pedagog  munozara  ishtirokchilariga 
fikrlarini ixcham, asosli va dalillar asosida bayon etishga yordam beradi.