B abdullayeva, M. Usmonbayeva, O’. Asqarova, F. Ehsonova, S. Hakimov

Ishlab  chiqarish  mehnati
  –  ta’lim  muassasalarida  o’quvchilarni  muayyan 
yo’nalishlar  bo’yicha  kasb  yoki  hunar  asoslaridan  xabardor  qilish,  ularda  amaliy 
ko’nikma,  malakalarni  shakllantirish  yo’lida  olib  borilayotgan  pedagogik  faoliyatni 
ifodalovchi mehnat turi. Ko’p hollarda to’garaklar negizida ishlab chiqarish mehnati 
tashkil etiladi. Shu bilan birga ta’lim muassasalarida yo’lga qo’yilgan ishlab chiqarish 
mehnati  o’quvchilarning  hissiy,  estetik  jihatdan  tarbiyalashga  ham  xizmat  qiladi. 
Ularda  o’z-o’zga  bo’lgan  ishonch,  o’z  mehnati  mahsulidan  zavq  olish,  narsa  va 
buyumlarni estetik baholash qobiliyati shakllanadi. 
 
Ishontirish
 – bolalar, o’smirlar va yoshlarda muayyan g’oyaning haqiqatligiga, 
xulq-atvor me’yorlari, qoidalari, xatti-harakat, faoliyatning to’g’riligiga ishonch hosil 
qilish  orqali  ularda  mustahkam  e’tiqod,  hayotiy  pozitsiyani  shakllantirish,  o’zining 
hamda atrofdagilarning xulq-atvorlarini oqilona baholashga o’rgatish usuli.