B abdullayeva, M. Usmonbayeva, O’. Asqarova, F. Ehsonova, S. Hakimov

 
 
Akmeologiya 
(qad. yun. “ακμή”, – cho’qqi, yuksak daraja, “λόγος” (“logos”) – 
ta’limot)  – 
1) 
individual  rivojlanishning  yuqori  darajasi  (akme)ga  erishish 
imkoniyatini  ta’minlovchi  qonuniyatlar  va  mexanizmlarni  tadqiq  etadigan    fan; 
2)
 
Rivojlanish psixologiyasining bo’limi. 
 
Al-Buxoriy, Imom Ismoil 
(810-970 y.y.)
 
–
 
hadisshunos olim, buyuk muhaddis, 
Islom  olamida  tan  olingan  oltita  sahih  (ishonarli)  hadislardan  biri  –  “Al-jomi’  as-
sahih” asarining muallifi. Abu Abdulloh Muhammad ibn Ismoil al-Buxoriy milodiy 
810  (hijriy  194)-yilda  Buxoroda  tavallud  topgan.  Iqtidorli  Ismoil  o’n  yoshidan 
boshlab hadis ilmini  o’rganishga kirishadi. O’n olti yoshga to’lganda onasi va akalari 
bilan  birga  haj  safariga  chiqib,  to’rt  yil  Makka  shahrida  istiqomat  qiladi.  Makka 
shahrida  yashaganida  payg’ambarimiz  Muhammad  (s.a.v.)  tomonlaridan  bayon 
etilgan  hadislarni  to’plab  tartibga  solishni  niyat  qiladi.  Ana  shu  maqsadda  ko’plab 
islom  mamlakatlarida  bo’lib,  ulamolar  bilan  bevosita  uchrashish,  suhbatlashish 
asosida ko’plab hadislar yozib oladi.  
Imom  Ismoil  al-Buxoriy  jami  600  ming  hadis  to’plab,  100  ming  “sahih” 
(ishonarli) va 200 ming “g’ayri sahih” (ishonarsiz) hadislarni yod olgan. Hadis ilmi 
bobida  islom  olamida  katta  hurmat  qozongan.  Bu  sohada  ko’plab    shogirdlar 
yetishtirgan. Imom Ismoil al-Buxoriyning shogirdlari orasida  Muslim ibn Hajjoj, Iso 
at-Termiziy, Abu  Zur’a, An-Nasoiy, Abu  Bakr  ibn  Huzayma  Yusuf  al-Forobiy  kabi 
mashhur muhaddislar alohida o’rin tutadi.  
Ulug’ muhaddis ona yurti Buxoroga qaytib kelgach, hadis ilmini targ’ib etishga 
kirishadi. Biroq, bu harakat Buxoro hukmdorlariga yoqmaydi. Shu sababli Buxoroni 
tark  etib,  Samarqand  yaqinidagi  Xartang  qishlog’iga  ko’chib  o’tadi  va  o’sha  yerda 
istiqomat  qilib  qoladi.  Hadisshunos  olim  milodiy  870  (hijriy  256)  yilning  Ramazon 
hayiti kuni vafot etadi. Imom Ismoil al-Buxoriy shu yerning o’ziga dafn etiladi. 
Imom  Ismoil  al-Buxoriyning  “Al-Jomi’  as-sahih”  (“Ishonarli  to’plam”)  deb 
nomlangan  4  jilddan  iborat  hadislar  to’plami  islom  olamidagi  boshqa  muhaddislar 
tuzgan  hadis  to’plamlari  orasida  eng  ishonarli  va  mukammalidir.  To’plamdan 
payg’ambarimiz  Muhammad  (s.a.v)  hadislaridan  tashqari,  fiqh  (Islom 
huquqshunosligi), islom marosimchiligi, axloq-odob, ta’lim-tarbiya, o’sha davr tarixi, 
etnografiyasiga  doir  ma’lumotlar  ham  o’rin  olgan.  To’plamga  7275  ta  eng  ishonarli 
hadislar kiritilgan. Mazkur to’plam Islom mamlakatlarida ko’p marta nashr etilgan.