B abdullayeva, M. Usmonbayeva, O’. Asqarova, F. Ehsonova, S. Hakimov

 
Akademik litsey 
– o’quvchilarning imkoniyatlari, qiziqishlariga ko’ra  ularning 

---

 
12 
jadal  intellektual  rivojlanishi  chuqur,  sohalashtirilgan,  tabaqalashtirilgan,  kasbga 
yo’naltirilgan ta’lim olishlarini ta’minlash  maqsadida DTSga muvofiq o’rta maxsus 
ta’lim  beradigan,  yuridik  maqomga  ega  ta’lim  muassasasi.  Akademik  litseylar  oliy 
ta’lim  muassasalari  qoshida  tashkil  etilib,  ularda  gumanitar  va  tabiiy-ilmiy 
yo’nalishlar bo’yicha o’quvchilarning intensiv intellektual rivojlanishi, soha bo’yicha 
puxta tabaqalashtirilgan o’qitish ta’minlanadi. Akademik litseyda ham ta’lim DTSga 
muvofiq  olib  boriladi,  o’quvchilar  o’zlarining  imkoniyatlari,  qiziqishlarini  inobatga 
olgan  intellektual  jihatdan  rivojlantirilib,  kasbga  yo’naltiruvchi  bilim,  ko’nikma,  
malakalarga  ega  bo’ladi.  Bu  kabi  ta’lim  muassasalarida  o’qitish  oliy  ta’lim 
muassasalari  bakalavriati  talabalarining  salohiyatli  kontingentini  shakllantirishga 
yo’naltirilgan. 
Mustaqillik  yillarida  respublikada  akademik  litsey  va  kasb-hunar  kollejlarini 
tashkil  etish,  ularning  kuchli  moddiy-texnik  ta’minotini  yaratishga  alohida  e’tibor 
qaratildi.  Akademik  litseyning  bitiruvchilariga  davlat  tomonidan  tasdiqlangan 
namunadagi  diplom  beriladi.  O’rta  maxsus,  kasb-hunar  ta’limini  olganlikni 
tasdiqlovchi  diplomda  o’qitilgan  fanlar  va  o’quvchining  ular  bo’yicha  tayyorgarlik 
darajasi  ko’rsatiladi.  Diplom  asosida  bitiruvchilar  ta’limning  keyingi  bosqichlarida 
o’qishni  davom  ettirish  yoki  egallangan  ixtisos  va  kasb-hunar  bo’yicha    mehnat  
faoliyati bilan shug’ullanish huquqiga egadir.  
Bugungi kunda respublikada 2018-2019 o’quv yilining boshida 123 ta akademik 
litsey faoliyat ko’rsatgan. 
 
Akademik 
–  turli  fan  sohalarida  yuqori  natijalarni  qo’lga  kiritib,  Fanlar 
akademiyasiga  haqiqiy  a’zo  etib  saylangan  shaxslar  ega  bo’ladigan  yuksak  ilmiy 
unvon. Mazkur ilmiy unvon tegishli akademiyaning muxbir-a’zolari orasidan (faxriy 
va  chet  ellik  akademiklarni  inobatga  olmagan  holda)  saylangan  shaxslarga  umumiy 
yig’ilish qaroriga ko’ra beriladi. Akademiklarni saylash uchun tashkil etiladigan ovoz 
berish jarayonida faqat akademiklar ovoz berish huquqiga ega bo’ladi. Akademiklar 
umrbod saylanadi.