Азот ва фасфор сақлаган антипирен воситалар ёрдамида тўқимачилик матoлари ва ёғочни ёнғиндан ҳимоялаш усуллари

Таркибига КОH қўшилган аммофос асосида тайёрланган ЁҲВ билан ишлов берилган ёғоч намуналарини синов натижалари

т/р	Таркиб № 5, % масс.			Намуналарнинг масса йўқотиши, % нисб.
	Аммофос	KOH	рН
1	20	1	7,2	10,6
2	20	2	7,4	9,6
3	20	3	7,5	8,9
4	20	4	7,9	8,0
5	20	5	8,3	8,0
6	30	1	7,1	9,1
7	30	2	7,3	8,5
8	30	3	7,4	8,4
9	30	4	7,6	8,2
10	30	5	8,0	8,0

Эритмадаги калий гидроксиднинг концентрацияси 1 % (масс.) бўлганда ҲВ қийин алангаланувчи категорияга эга бўлади. Унинг концентрациясининг ортиши ҲВ ни қийин ёнувчи категорияли сифатга эга бўлишига сабаб бўлади. Барча намуналарда эритма рН 7÷8 чегарада тутиб турилади.

3.4.3. Аммофос, аммоний сульфат ва аммоний нитрат тузлари комбинациялари асосида антипирен таркиблар олиш
Аммофос ва NH₄NO₃ ҳамда (NH₄)₂SO₄ тузлари асосида ёнғин ҳимоя воситалари олиш имкониятлари ўрганилди. Мураккаб таркибли антипирен олиш шароитлари ва уларнинг асосий параметрлари 3.12-жадвалда келтирилган.
3.12-Жадвал
Аммофос ва NH₄NO₃ ҳамда (NH₄)₂SO₄ тузлари асосида ёнғин ҳимоя воситалари олиш

т/р	Дастлабки таркиб, %масс.			рН	Зичлик (20 ^0С), кг/м^3	Кимёвий таркиб %масс.			Намуна-нинг мас-са йўқотиши, %
	Аммо-фос	NH4NO3	(NH4)2SO4			N	Р2О5	SO3
1	10	10	5	7.7	1172	6.3	4.41	3.0		9.2
2	10	10	10	7.6	1176	7.0	4.43	6.1		9.2
3	10	5	5	7.7	1160	4.5	4.40	3.0		9.0
4	10	5	10	7.5	1173	5.4	4.41	6.0		9.1
5	20	10	5	7.8	1185	8.0	8.85	2.9		8.8
6	20	10	10	7.6	1198	8.8	8.81	6.0		8.6
7	20	5	5	7.5	1177	8.2	8.80	3.0		8.7
8	20	5	10	7.8	1186	7.0	8.86	6.1		8.9

Барча олинган намуналарнинг ёнғин ҳимоя самарадорлиги юқори бўлиб, NH₄NO₃ва (NH₄)₂SO₄тузларини қандай масса нисбатларда қўшишдан қатъий назар, улар билан ишлов беришдан олинган ёғоч намуналари қийин ёнувчи категория талабларига жавоб беришлиги аниқланди[122; c.118-120]. Антипирен таркибидаги дастлабки моддалар нисбатига кўра (% масс.): азот 5,4 дан 8,8 гача; Р₂О₅ 4,4 дан 8,9 гача ҳамда SO₃2,9 дан 6,1 гачани ташкил этади. Олинган таркиблар консистенция бўйича ижобий хоссаларга эга бўлиб, 20 ⁰С даги зичлиги 1172÷1198 кг/м³ чегарасида, қовушқоқлиги эса таркибига қараб 24,0 дан 26,0 сПз гача бўлади.

Тўқимачилик матолари учун ёнғин ҳимояси таркибларини дастлабки синовлардан ўтказиш. Тажрибаларда ёнғиндан ҳимоя воситаси сифатида аммофос асосида тайёрланган ва рН қиймати NH₄OH, NaHCO₃ ёки КОН таъсирида нейтрал ҳолатга келтирилган эритмага турли нисбатларда NH₄NO₃ ёки (NH₄)₂SO₄, қўшиб тайёрланган, бинар аралашмалардан фойдаланилди. Тажрибаларда аралашма компонентларининг ўзаро нисбати кенг диапазонда ўзгартирилди. Таркибида азот ва фосфор сақлаган аралашмаларнинг энг юқори ёнғин ҳимояси самарадорлиги уларни қуйидаги жадвалда келтирилган оптимал нисбатларида намоён бўлди.
Энг юқори самарадорликни намоён қилган аммофос асосида тайёрланган ёнғин ҳимоя воситаларининг таркиби (3.12-Жадвал)

т.р	Аралашма таркиби			Компонентлар нисбати, масс%	Эритма кон-центрацияси	Эритма рНи
1	Аммофос	-	-	1	30	7±0,3
2	Аммофос	NH3	-	0,80:0,20	25	7±0,3
3	Аммофос	NaHCO3	-	0,80:0,20	20	7±0,3
4	Аммофос	KOH	-	0,87:0,13	23	7±0,3
5	Аммофос	NH3	NH4NO3	0,40:0,10:0,50	20	7±0,3
6	Аммофос	NH3	(NH4)2SO4	0,40:0,10:0,50	20	7±0,3

Кўп сонли синовлар натижасига кўра, барча таркибли ёнғин ҳимоя воситалари пахта хом ашёси ғарамларига ёпиладиган брезент ва пахта толаси тойларини ўровчи матолар, ҳамда пахта хом-ашёси ёки толасига сепиш йўли билан ишлов берилганда алангали ёниш кузатилмади[121; c.101]. Кузатув натижаларидан ўрганилган енгил ёнувчи матоларнинг барчаси қийин алангаланадиган шаклга ўтганлиги тасдиқланди[123; c.3-6].

Ҳимоя воситалари таркиби ва олинган натижалар 3.14-жадвалда келтирилган.
3.14-Жадвал
Ҳимоя воситалари билан ишлов берилган юмшоқ матоларнинг ёнғинга бирламчи синов натижалари

Т.р	Антипирен компонентларининг масса нисбати	Эритмаконц- яси, %	Текшириладиган намунанинг алангасиз кўмирланиш вақти, сек.
			Бре-зент	Ўров матоси	Пахта толаси
1	Соф мато		21	9	4
Матога қўшилган антипирен таркиби
2	Аммофос	30	46	30	24
5	Аммофос+NH3 (20 : 5)	25	61	50	53
6	Аммофос+NH3+NH4NO3 (20:5:25)	20	78	66	67
3	Аммофос+NH3+(NH4)2SO4 (20:5:25)	20	81	77	75
	Аммофос+NaHCO3(20 : 5)	20	53	33	34

Материалнинг турига кўра таклиф этилаётган ёнғин ҳимоя воситасининг 1м² матога сарфланадиган миқдори 100-350 г ни ташкил этади. Брезент матоси учун сарф энг кўп бўлиб, энг кам сарф автотент материалига сарф бўлди. Тажрибалар шунингдек, пахта хом ашёси ҳамда толаси мисолида уларнинг юзасига пуркаш йўли билан ишлов берилган ҳолда олиб борилди[124; c.91-96].

Матонинг қалинлигига кўра ҲВ билан 2-3 марта қайта ишлов берилди. Материалларни қуритиш хона температурасида (24±2ºС)6÷8 соат вақт мобайнида амалга оширилди. Материалларни синов ишлари аланганинг ўлчами 35÷40 мм бўлган газ горелкасида ўтказилди.
Синов натижаларидан брезент материали учун аммофос ва аммиакнинг 20:5 нисбатдаги аралашмасидан тайёрланган концентрацияси 25 % бўлган ЁҲВ юқори самарадорликка эга эканлигини кўрамиз ва бунда 61 секунд вақт мобайнида алангаланиш кузатилмаган ҳолда, материалнинг кўмирланиши кузатилади.
Пахта толасини ўров матосининг синов натижаларидан ҲВ таркибига кўра кўмирланиш вақти 30÷60 сек бўлиб, мустақил алангаланиш кузатилмади.
Худди шундай натижалар пахта толасининг ўзида ҳам кузатилиб, алангасиз кўмирланиш вақти 24 – 63 секундни ташкил этади.
Шундай қилиб, брезент, толани ўров матоси ва пахта толасини ёнғиндан ҳимоя қилиш жараёнида ишлаб чиқилган таркиблар ўзларининг ёнғинга қарши самарали воситалар эканлигини кўрсатди.


3.5. Марказий Қизилқум фосфоритларини нитрат кислотали ишлов бериш орқали антипирен таркиблар олиш жараёнини тадқиқ этиш
Табиий фосфатларни нитрат кислотали усулда парчалаб, антипирен таркиблар ишлаб чиқариш иккита асосий босқичдан иборат: 1) фосфатларни нитрат кислота билан парчалаш; 2) нитрат сақлаган эритмани қайта ишлаш. Нитрат кислота билан ишлов бериш қуйидаги реакция асосида боради:
Са₅(РО₄)₃F + 10НNО₃ = 3Н₃РО₄ + 5Са(NО₃)₂ +НF
Ушбу жараёнда табиий фосфатлар таркибидаги қўшимчалар ҳам кислота билан таъсирлашиб, тегишли нитрат тузларини ҳосил қилади. Ажралаётган НF қум – SiО₂ билан таъсирлашиб, Н₂SiF₆ ни ҳосил қилади. Жараён натижасида, асосан, таркибида фосфат кислота ва кальций нитрат сақлаган, нитрат кислотали экстракт – НКЭ (нитрат кислотали сўрим) ҳосил бўлади. Фосфатнинг парчаланиш тезлиги заррачаларнинг ўлчамига, температурага, кислотанинг концентрацияси ва сарфига боғлиқ.
Жараён учун оптимал 50-70 ºС ва кислота концентрацияси 47-55% бўлиб, бу чегарада концентрациянинг ўзгариши жараён тезлигига сезиларли таъсир этмайди. Қизилқум фосфоритлари асосида олинган НКЭ( Нитрат кислотали сўрим ) да СаО:Р₂О₅ масса нисбати 2,55 қийматга эга. Бунда антипирен таркиблар суюқ ҳолатда чиқарилиши ва таркибида аммоний фосфатлар миқдори имкон қадар юқори бўлишлиги эътиборга олинади. Бироқ, НКЭ ни аммиак билан ишлов беришда қуйидаги жараён содир бўлиши мумкин:
3Н₃РО₄ + 5Са(NО₃)₂ + 6NН₃ = 3Са НРО₄ + 6NН₄NО₃ + 2Са(NО₃)₂
Антипирен таркибида кальцийнинг фосфат ва нитрат тузлари бўлмаслиги учун эритмадан кальцийнинг ортиқча қисмини минимал даражага қадар йўқотиш керак. НКЭ нинг таркиби қуйидагича бўлади (%масс.):СаО – 15,1; Р₂О₅ – 5,8 ва N – 8,2.
Кальцийнинг фосфат ангидридга нисбатини пасайтириш учун уни аммоний сульфат таъсирида гипс кўринишида чўктириш, НКЭ ни совутиш ва кальций ионларининг бир қисмини кальций нитрат кўринишида ажратиш; эритмага карбонат кислота киритиб, кальций карбонат ҳосил қилиш ва бошқа усуллардан фойдаланиш мумкин.