Азимжон қосимов тиббий терминлар изоҳли луғати

75

Жвнс


уробилин ажралишининг ортиши, нажас билан стеркоби- лин кўплаб ажралиши кузатилади.
Рус. Печёночная желтуха; син.: гепатическая желтуха, ге- патогенная желтуха, гепатоцеллюлярная желтуха, паренхи- матозная желтуха, эпителиально-клеточная желтуха.
Жигарсўхта — халқ табобатида — жигарнинг оғир ва узоқ давом этган касаллигидан сўнг охир-оқибатда унинг кичрайиб қурушиб қолиш хасталиги.
Ас. т. Жигар циррози.
Рус. Цирроз печени.
Жигар ўти — бевосита жигар ички ўт йўлларидан тушган сариқ-тилла ранг ўт.
Рус. Печёночная жёлчь.
Жигар қуриши — қ. Жигарсўхта.
Жиззаки — жиззакилик (қ.) қилиб юрувчи, жиззаки та- биатли одам.
Жиззакилик — табиатан жиртаки, тили заҳар, бўлар-бўл- масга узиб оладиган, аччиғи ҳамиша бурни учида турадиган, аксари аёлларга хос хусусият.
Бундай аёллар вақти-вақти билан тинчлантирувчи тера- пия олиб туришлари лозим; акс ҳолда организмига путур етади ва асаб касалликларига, руҳий бузилишларга дучор бўлади.
Рус. Вспмльчивость.
Жилов — эпифизни оралиқ мия билан туташтириб ту- рувчи эпиталамуснинг бир жуфт тузилмаси.
Рус. Поводок.
Жин (син. ажина) — "кишини турли хил касалликларга чалинтириб қўядиган", баъзи кишиларнинг эса ҳатто "кўзи- га кўринадиган" диний хурофий тасаввурдаги афсонавий одам, аксарият, аёл образи; илмий тиббиётда жинларнинг "кўзга кўриниш" ҳодисаси руҳий касалликларга хос белги сифатида изоҳланади.