Азимжон қосимов тиббий терминлар изоҳли луғати

Қулоқ тешиги — қ. Эшитув тешиги.
Қулоқ хотира — товушларни яхши идрок қилиш ва эсда сақлаб қолиш.
Рус. Слуховая память.
Қулоқ чирки (син. қуло қ кири) — ташқи эшитув йўла- гида жойлашган махсус безларнинг ишлаб чиқарган қуюқ, қотинқираган секрети.
Рус. Ушная сера.
Қулоқ чирки тиқини (син. қулоқ кири тиқини) — қулоқ чиркининг ташқи эшитув йўлагида тўпланиб уни бер- китиб қўйган ғўласи; шу ерда жойлашган безларнинг ҳаддан зиёд секрет ишлаб чиқарганида кузатилади.
Рус. Серная пробка.
Қулоқ чиғаноғи — қ. Қулоқ супраси.
Қулоқ шанғиллаши — ташқаридан шовқин келмай туриб қулоқда пайдо бўладиган узлуксиз шовқинлар мажмуи; қулоқ касалликлари — спирал аъзонинг қўзғалувчанлиги ошганда, ноғора пардада патологик ўзгаришлар бўлганда, базиляр ар- терияларда склеротик ўзгаришлар рўй берганда, эшитув нерви шамоллаганда, симоб, қўрғошин ва баъзи дори моддалар- дан заҳарланганда, қон босим ошган ёки камайганда, жис- моний зўриқиш, толиқишларда, ҳомиладорлик токсикози, климактерик даврларда қулоқда ана шундай тинимсиз (баъ- зан, тўхтаб-тўхтаб) шанғиллашнинг эшитилиши.
Рус. Шум в ушах.
Қулоқ ювиш — махсус шприц ёрдамида ташқи эшитув йўлагига ёки ўрта қулоқ бўшлиғига дезинфекцияловчи эритма киритиб ювиш муолажаси; қулоқ ичига йиғилиб қолган йи- ринг, чирк тиқинлари кабиларни чиқариб юбориш мақса- дида қўлланилади.