Азимжон қосимов тиббий терминлар изоҳли луғати

Қиз IV — балоғат ёшига етган, аммо ҳали турмуш қурма- ган, никоҳда бўлмаган бокира қиз.
Рус. Девушка IV.
Қиз V — балоғатга етган, турмуш қурган, никоҳца бўлган жувон; унга нисбатан мурожаат-мулоқотда ҳурмат, эркалаш, ёшартириш маъноларида ишлатилдади.
Рус. Девушка V.
Қиз VI — аёл жинсига мансуб фарзанд.
Рус. Дочь.
Қиз VII — чақириш, мурожаат қилиш, мулоқотга кири- шишларда ишлатиладиган шахс оти.
Рус. Дочка.
Қизамиқ (син. гул) — томчи-ҳаво орқали юқадиган, мор- билли вируслар келтириб чиқарадиган, аксарият, болалар оғрийдиган ўткир юқумли касаллик; баланд иситма, бош оғриши, ёруғликка қарай олмаслик — фотофобия, нафас йўллари шиллиқ пардаларининг яллиғланиши ва бутун ба- данга доғсимон папулали тошмалар тошиши билан юзага чиқади.
Рус. Корь.
Қизамиқ бўғмаси — қизамиқда келиб чиқадиган бўғма; продромал даврида юзага чиқадиган, енгил-елпи кечадиган эртаки бўғма ва пигментация даврида юзага чиқадиган анча оғирроқ кечадиган кечки бўғма тафовут қилинади.
Рус. Коревой круп.
Қизамиқ эотилжами — қизамиқ касаллигида кузатилади- ган гигант ҳужайрали кичик ўчоқли зотилжам; у ҳамиша деструктив бронхит билан бирга кечади.
Рус. Коревая пневмония.
Қизамиқ тошмаси — қизамиқнинг дастлабки уч кунида юз ва бўйинда, кейин бадан ва қўл-оёқларда пайдо бўлади- ган доғ ва папулалар кўринишида тошадиган тошма; алоҳи- да клиник аҳамиятга эга.
Рус. Коревая сьшь.
Қизамиқ қизилчаси — қ. Қиэилча.
Қизариш — тери ва шиллиқ пардаларнинг қандайдир са- бабга кўра бирор ерида қон томирларнинг (капиллярлар- нинг) кенгайиб, қонга ҳаддан ортиқ тўлишувидан юзага ке- ладиган ҳолат.


ттм.ггуоиг.оот ки(иЬхопаз1