Азимжон қосимов тиббий терминлар изоҳли луғати

Касаллик кечиши — қ. Касаллик кечими.
Касаллик кечуви — қ. Касаллик кечими.
Касалликка йўлиқиш — қ. Касалликка чалиниш.
Касалликка чалиниш (син. касалликка йўлиқиш) — соғ организмга бирор юқумнинг тушиши ёки организмда мавжуд инфекциянинг бош кўтариб қолиши ёхуд бирор аъзо- да патологик жараён ривожланиб қолиши оқибатида одам- нинг бетоб ҳолатга тушиши.
Касаллик олди — организмнинг касаллик билан соғлиқ оралиғидаги ҳолати; организм бу ҳолатда ё дардланиб бу- тунлай касал бўлиб қолади, ёки бир қанча вақтдан кейин тетиклашиб нормал фаолиятга тушиб кетади.
Рус. Предболезнь.
Касаллик оқибати — касалликнинг кейинги кечими ва нима билан тугаши ҳақида илмга асосланган тахмин.
Рус. Прогноз болезни.
Касаллик сабаби — ҳар қандай касалликнинг келтириб чиқарган, қўзғатган юқуми (инфекцияси), табиий ва маи- ший шарт-шароитлар, ҳаёт тарзи, турмуш даражаси, об-ҳаво ўзгаришлари, беморнинг ўзига хос руҳий-асабий жиҳатла- ри, оғир, сурункали меҳнат, ёмон иш шароити, оч қолиш, организмда у ёхуд бу зарур озиқ модданинг етишмаслиги, шикастланишлар, совуқ, иссиқ, ток уриши кабиларни ўз ичига олувчи омил.
Рус. Причина болезни.
Касаллик тарихи — 1. Даволаш-профилактик муассаса- ларнинг стационарда ҳар қайси беморга алоҳида тўлғазил- ган, беморнинг паспорт маълумотлари, касаллик анамнези, диагнози, кечими, оқибати, шунингдек, олиб борилган бар- ча даволаш-профилактик тадбирлар ёзиб борилган қайдно- ма ҳужжати.
2. Касаллик тарихи бир қолипда системага солиб ёзили- ши рақамлар билан бандларда кўрсатиб берилган бланка.
Рус. История болезни.
Касаллик хили — ҳар қандай бир касалликнинг келиб чиқиш сабаблари, қўзғатувчилари, юқгирувчилари, ўткир, сурункали кечиши, клиникасининг юзага чиқиш табиати, асорати, оқибати ва бошқа жиҳатларига кўра ўзига хос бир- биридан фарқланувчи варианти.