A`zamjonova Fayziniso 18-mavzu bo`yicha savollarga javoblar

3-savol. Raqobatbardosh turistik siyosat deganda nimalarni tushunasiz?
Javob: Raqobat hayot uchun kurashning qonuniy shakli sifatida tan olingan. Mening fikimcha, raqobat bozordagi o`z o`rinlarini saqlab qolish uchun, raqobatchilarga nisbatan bozorda yaxshiroq o`rin egallashga intilish, iqtisodiy inqirozga uchramaslik maqsadi tadbirkorlarni narxni pasaytirishga, mahsulot va xizmatlar sifatini uzluksiz takomillashtirishga, sifatini kafolatlashga majbur qiladi. Raqobatning predmeti mahsulot va xizmatlar bo`lib, raqobatchilar ular orqali iste`molchilar va ularning pul-mablag`lariga erishishga harakat qiladilar.Raqobatning obyekti iste`molchi yoki xaridor bo`lib, ularga erishish uchun o`zaro musobaqada bo`lgan tomonlar kurash olib boradilar. Xuddi mahsulot va xizmatlar kabi turistik hududlar ham o`z tijorat belgisi, yana brendiga ega bo`lishi tobora globallashib borayotgan, bir-biriga o`xshash sayohat turlarini taklif qiladigan turistik joylarning ko`payib borayotgan ayni tarixiy davrda jahon turizm bozoridan o`z o`rnimizni topishimiz, bizni boshqalardan farqlash imkoniyatini beradigan o`z turistik ramzimizni yaratib uni bozorda qanchalik samarali targ`ib qila olishimiz, turizm sohasi barqaror raqobatbardoshligiga erishishimizda belgilovchi bo`lib hisoblanadi. “O`zbekturizm” MK ning ma`lumotlariga ko`ra, ayni kunda O`zbekistonda 559 ta turoperatorlar va 477 ta mehmonxona faoliyat olib bormoqda. Turizm sohasining bandlikda multiplikativ samarasini hisobga olganda, 368.5 ming kishidan iborat bo`lib, umumiy bandligining 2,6 % ini tashkil qilgan. Bu statistic ma`lumotlar, O`zbekistonda turistik infratuzilma tez rivojlanayotganligidan dalolat beradi. Shakllangan infratuzilmadan yuqori samarada foydalanish hamda yaratilgan ish joylarining muntazamligini ta`minlashda yurtimizdagi turistik hududlarning raqobatbardoshligini yanada oshirish maqsadga muvofiq. Xorijlik mutaxassislarning fikricha, destinatsiyalarning mahalliy, milliy va xalqaro darajada raqobatbardoshligi ma`lum parametrlarga asoslanib, 6A modelida o`z aksini topadi. Bular: Access, Attractions, Accommodation, Amenities, Ancillary services, Assemblage.