Ayol siymosini yaratishda takrorlarning ekspressivlik mohiyati

1. Ilmiy tadqiqot ishining dolzarbligi. 

          

Mazkur  ilmiy  tadqiqot  ishining  mavzusi,  “Ayol  siymosini  yaratishda 

takrorlarning  ekspressivlik  mohiyati  (T.Drayzerning  “Amerika  fojiasi”  romani 

misolida)”,  til  uslubiyati  va  adabiyoti  orasidagi  ilmiy  tadqiqot  bo’lganligi  uchun 

ham dolzarbdir. 

          Chunki  til  uslubiyatini  badiiy  matnlarda  tadqiq  etish  badiiy  adabiyotsiz 

amalga  oshmaydi,  chunki  til  uslubiyati  badiiy  matnning  jozibadorligi, 

bo’yoqdorligi,  ta’sirchanligi,  obrazliligi,  jonli  tilga  ega  bo’lishi  uchun  ahamiyati 

katta.  Shuning  uchun  ham  badiiy  adabiyotni  til  uslubiyatidan  ajratgan  holda 

o’rganib  bo’lmaydi,  til  uslubiyatiga  e’tibor  berilmasa  matn  badiiy  matn  bo’la 

olmaydi.  

          Mazkur  ilmiy  tadqiqot  ishida  ta’sirchanlik,  bo’yoqdorlik,  ekspressivlik  va 

obrazlilikni ifodalaydigan uslubiy vositalardan  biri takrorlar orqali ayol siymosini 

yaratishdagi  muallif  mahorati  tahlil  etiladi.  Xususan,  madaniy  sohada  faoliyat 

yuritayotgan  yosh  mutaxassislarimiz  ekspressivlikni  ifodalaydigan  hodisalarni 

bilmay  turib,  ingliz  tilida  yozilgan  badiiy  matnlarning,  maqollarning,  hikmatli 

so’zlarning,  prozaning  tub  ma’nosini,  muallif  nima  demoqchi  bo’lganini  tushuna 

olmaydilar.