Ayol huquqlari

Xotin-qizlarning  ahvoli  bo’yicha  Komissiya  Iqtisodiy  va  Ijtimoiy  Kengash  tomonidan  1946 

yilda  ta’sis  etilgan.  Komissiyaning  vazifalari  doirasiga  xotin-qizlarning  siyosiy,  iqtisodiy,  fuqaroviy, 

ijtimoiy  sohalar  va  ta’lim  sohasidagi  huquqlarini  rag’batlantirish  to’g’risida  Iqtisodiy  va  Ijtimoiy 

Kengashga  tavsiyalar  va  ma’ruzalar  tayyorlash,  shuningdek  erkaklar  bilan  xotin-qizlarning  teng 

huquqliligi  printsipini  amalga  oshirish  maqsadida  xotin-qizlar  huquqlari  sohasidagi  eng  muhim 

muammolar bo’yicha chora-tadbirlar qabul qilish to’g’risida tavsiyalar va takliflar tayyorlash vazifalari 

kiradi.  Xotin-qizlarning  ahvoli  bo’yicha  Komissiyaga  xotin-qizlarning  ahvoli  bo’yicha  umumjahon 

konferentsiyasida 1985 yilda qabul qilingan xotin-qizlarning ahvolini yaxshilash sohasidagi istiqbolga 

mo’ljallangan  Nayrobi  strategiyasi  amalga  oshirilishini  nazorat  qilish,  shu  yo’nalishdagi  ishlarning 

ahvoliga baho berib tahlil qilib borish vazifasi topshirildi. Xotin-qizlarning ahvoli bo’yicha komissiya 

xotin-qizlarga  nisbatan  kamsitishlar  to’g’risida  alohida  shaxslardan  ham,  bir  guruh  shaxslardan  ham 

olingan  xabarlarni  ko’rib  chiqishi  mumkin.  Yakka  tartibdagi  shikoyatlar  bo’yicha  choralar 

ko’rilmaydi.  Buning  o’rniga  mavjud  muammolarni  hal  etish  uchun  siyosiy  tavsiyalar  ishlab  chiqish 

maqsadida  xotin-qizlarni  kamsitish  sohasidagi  tamoyillarni  aniqlashga  qaratilgan  taomildan 

foydalanish bilan cheklanadilar.