Ayni o’zgarishlar nafaqat iste’mol sektoriga, balki mamlakat iqtisodiyotining o’sishiga sabab bo’lmoqda. Xususan: 2018-yilda yalpi ichki mahsulot hajmi 407,5 trln so`mni tashkil etdi

3. Budjet chizig`i iste’molchi tanlovini belgilovchi omil sifatida

Byudjet chizig‘i. Befarqlik egri chiziqlari bir ne'mat bilan ikkinchi ne'matni

almashtirish mumkinligini ko‘rsatadi, xolos. Lekin, ular iste'molchi uchun qaysi

tovarlar majmuasi ko‘proq nafliroqligini ko‘rsata olmaydi. Bunday masalani byudjet chizig‘i yordamida yechish mumkin. Byudjet chegarasi tovarlar narxiga va

iste'molchining daromadiga asoslanadi va u mavjud pul mablag‘larida qanday iste'mol tovarlar majmuasini sotib olish mumkinligini ko‘rsatadi. Byudjet chegarasini ikkita ne'mat misolida ko‘radigan bo‘lsak, agar iste'molchi daromadi R bo‘lsa, X1 va X2 lar birinchi va ikkinchi ne'matlar miqdori, P1 va P2 lar mos ravishda, birinchi va ikkinchi ne'matlarning narxlari bo‘lsa, byudjet chegarasi berilgan daromad R hamda P1 va P2 narxlarda iste'molchi tomonidan sotib olinishi mumkin bo‘lgan, birinchi va ikkinchi ne'matlarning barcha kombinatsiyalarini ifodalaydi. Byudjet chegarasini quyidagicha yozish mumkin: P₁X₁+P₂X₂≤R va bu tengsizlik tovarlarga sarflanadigan xarajatlar yig‘indisi, iste'molchi daromadidan oshmasligini bildiradi. X1 va X2 larning manfiy bo‘lmaslik ( X1≥0 vaX2≥0) shartini kiritsak, u holda biz iste'molchining tovarlarni sotib olishi mumkinbo‘lgan sohasini (15-rasmda shtrixlangan qism) aniqlagan bo‘lamiz: