Axmedov Baxtiyorjon Ravshanbek o’g’li

Andijon davlat universitetining Pedagogika instituti O‘zbek tili va adabiyoti mutaxassisligi 1-bosqich magistranti Axmedov Baxtiyorjon Ravshanbek o’g’li magistratura bosqichida 2021-2022- o‘quv yilida tahsil olish jarayonida bajargan ishlari bo‘yicha
HISOBOTI
Men Axmedov Baxtiyorjon Ravshanbek o’g’li 2021-yilning dekabr oyidan Andijon davlat universitetining Pedagogika instituti “O‘zbek tili va adabiyoti” mutaxassisligi yo‘nalishiga 1-kurs magistranti sifatida o‘qishga qabul qilindim. O‘qishning dastlabki davrida “O‘zbek tili va adabiyoti” mutaxassisligi yo‘nalishi uchun o‘tiladigan umumta’lim hamda maxsus fanlarining mashg‘ulotlarida faol ishtirok etishni boshladim. O‘quv yili davomida “O‘zbek tili va adabiyoti” mutaxassisligi magistranti sifatida o‘z o‘quv-uslubiy, ilmiy tadqiqot ishlarimni rejada ko‘rsatilgan tartibda bajarib bordim. “Ijtimoiy tarmoqlardagi yozishmalarning lingvistik ekspertizasi” mavzusidagi magistrlik ilmiy ishim Andijon davlat universiteti Pedagogika instituti boshlang‘ich hamda maktabgacha ta’lim va tillarni o‘qitish metodikasi fakulteti “O‘zbek va rus tillarini o‘qitish metodikasi” kafedrasining 2022-yil 05-yanvardagi 4 - sonli yig‘ilishida muhokama qilingan va ma’qullangan hamda “Ijtimoiy tarmoqlardagi yozishmalarning lingvistik ekspertizasi” nomi bilan Andijon davlat universiteti Pedagogika instituti direktorining 2022-yil 12-martdagi 0159-sonli buyrug‘i bilan magistrlik mavzusi tasdiqlangan.
O‘quv jarayoni boshlanishi bilan O‘zbek tili va adabiyoti kafedrasining f.f.d. V.Qodirov bilan hamkorlikda magistrlik dissertatsiyasi uchun “Ijtimoiy tarmoqlardagi yozishmalarning lingvistik ekspertizasi” mavzusini tadqiqot ishimizga obyekt sifatida tanlab oldik.
Tadqiqot ishimizni boshlashdan avval, shu mavzuda bizdan oldin olib borilgan tadqiqot ishlari sinchiklab o‘rgandim.
O‘quv yili mobaynida “O‘zbek tilshunosligi” va “O‘zbek adabiyotshunosligi” kafedrasining yetakchi professor-o‘qituvchilarining o‘quv mashg‘ulotlarida muntazam qatnashib keldim. Bu jarayonda magistrlik o‘quv rejasida belgilangan mutaxassislik fanlarni chuqur o‘rganishga asosiy e’tibor qaratildi. Magistrlik shaxsiy rejasida ko‘rsatilgan barcha talablar bajarilmoqda. Xususan, magistrlik o‘qish davrida magistrlik ishi bo‘yicha yakka tartibda rejalar tuzdim, mutaxassislik bo‘yicha nazariy kurslardan o‘tdim, ilmiy rahbarim va kafedra bilan muntazam aloqada bo‘ldim. Shuningdek, magistrlik ilmiy ishga oid kerakli manbalarni to‘plab, ma’lumotlarni o‘rganib bordim, ilmiy konferensiya va seminarlarda chop etilgan maqola va tezislar bilan tanishdim, mutaxassislik doirasida izohli lug‘atlar bilan ishladim.
Magistranti: B. Axmedov
Ilmiy rahbar: f.f.d. prof. D. Nabiyeva