Axborotlashtirish texnologiyalari

Sharti oldin qo’yilgan sikl operatori. Bu operator siklik jarayonda takrorlanishlar soni qo’yilgan shartga bog’liq bo’lgan holda qo’lla-niladi.

Sharti oldin qo’yilgan sikl operatorining umumiy ko’rinishi quyidagicha: while B do S;

Bu yerda while(hozircha), do(qilmoq, bajarmoq)- xizmatchi so’zlar, B- mantiqiy ifoda, S- operator. Bu yerda S operator nol marta yoki bir martadan ortiq bajarilishi mumkin. Chunki S operatorining har bir bajarilishidan oldin B ifodaning qiymati hisoblanadi. Agar B ifoda chin(true) qiymat qabul qilsa S operator bajariladi, aks holda ya’ni B ifoda yolg’on(false) qiymat qabul qilsa sikl operatorining bajarilishi tugaydi.

Agar B ifoda birinchi hisoblanishidayoq yolg’on qiymatni qabul qil-sa, S operator bir marta ham bajarilmaydi. Ko’rinib turibdiki, bu yerda siklik jarayonning tugallanish sharti S operator bajarilishidan oldin tekshiriladi. Shuning uchun bunday ko’rinishdagi sikl operatori - sharti oldin qo’yilgan sikl operatori deb yuritiladi.