Axborot texnologiyalari kafedrasi psixologlar uchun informatika

Tayanch iboralar: Informatika, qonun, farmon, qaror, axborotlashtirish, axborot resursi, axborot texnologiyasi, axborot tizimi.
Informatika va axborot texnologiyalarifaniga kirish

Informatika - bu insoniyat faoliyatining bir sohasi bo’lib, u axborotni hosil qilish, saqlash va kompyuter yordamida ularni qayta ishlash, va uzatishlar bilan o’zaro bog’liq bo’lgan jarayonlarni o’rganadigan fan.

Informatika atamasi 60 - yillar oxirida Fransiyada vujudga keldi. U axborot (information) va avtomatika (automatique) so’zlarini birlashtirishdan hosil bo’lib, «ma’lumotlarni avtomatik qayta ishlash» degan ma’noni bildiradi. Mustaqil fan sifatida informatika 40 - yillar oxirida texnika, biologiya, ijtimoiy va boshqa sohalarda boshqarishning umumiy prinsiplari haqidagi - kibernetika fani bazasida vujudga keldi.

Informatikaning asosiy vazifasi - axborotning qayta ishlashning yangi usullari va vositalarini yaratish, hamda ularni amaliyotda qo’llashdan iboratdir. Informatika 3 qismdan iborat: texnik vositalar, dasturlar va algoritm. Texnik vositalardan eng birinchisi kompyuter bo’lib, inglizchasida hisoblovchi degan ma’noni bildiradi. Ammo u hozirda faqat hisoblovchi bo’lmasdan, balki matnlar, tovush, video va boshqa ma’lumotlar ustida ham amallar bajaradi. Hozirgi zamon shaxsiy kompyuterlari ilgari universal deb hisoblangan kompyuterlardan tezligi va xotira hajmi jihatidan ancha oshib ketganligi, ko’p masalalarni echish uchun bu kompyuterlar foydalanuvchilarni qanoatlantirganligi sababli ular keng yoyilmoqda. Kompyuterlarning amalda raqamli, analogli (uzluksiz), raqamli-analogli va maxsuslashtirilgan kabi xillari mavjud. Bajaradigan amallarining universalligi, hisoblash amallarining aniqligi va boshqa ko’rsatkichlari yuqori bo’lgani uchun, raqamli kompyuterlar ko’proq foydalanilmoqda.

Kompyuterlarni xotirasining hajmi, bir sekundda bajaradigan amallar tezligi, ma’lumotlarning razryad to’rida (yacheykalarda) tasvirlanishiga qarab, besh guruhga bo’lish mumkin:

- super kompyuterlar (Super Computer);

- katta kompyuterlar (Manframe Computer);

- mini kompyuterlar (Mini computer);

- shaxsiy kompyuterlar (PC-Personal Computer);

- bloknot(notebook) kompyuterlar.