Avtotransport vositalarining diagnostikasi

Rul boshqarmasini diagnostikalash

Rul boshqarmasi transport vositasining harakat xavfsizligini ta’minlovchi tizimlardan biridir. SHuning uchun uning texnik holatini diagnostikalash kundalik, birinchi va ikkinchi texnik xizmat ko’rsatish jarayonlarida o’tkaziladi.

Rul boshqarmasi bo’yicha vujudga keladigan ayrim buzilish va nosozliklarga mos diagnostik tashqi belgilar va parametrlar 17.1-jadvalda keltirilgan.

17.1-Jadval

Rul boshqarmasi bo’yicha ayrim diagnostik ko’rsatkichlar

T.r.	Buzilish va nosozliklar	Tashqi belgilar	Diagnostik parametrlar
1.	Rul chambaragi erkin yo’lining oshishi (chervyak-vtulka juftligining yeyilishi)	Rul chambaragi lyuftining oshishi	Lyuft
2.	Rul chambaragining qiyin aylanishi	Rul chambaragining qiyin aylanishi	Aylantirish kuchi
3.	Rul kolonkasining ko’ndalang siljishi (podshipniklarning yeyilishi)	Rul kolonkasining vertikal o’q bo’yicha siljishi (podshipniklarning yeyilishi)	Tirqish

Rul chambaragidagi lyuft qiymatlari quyidagicha me’yorlanadi: yengil avtomobillar uchun 10⁰ gacha, avtobuslar uchun 20⁰ gacha va yuk avtomobillari uchun 25⁰ gacha. Rul chambaragi bir maromda va siltanmasdan burilishi kerak.