Avtotransport vositalarining diagnostikasi

Автоматик бошқарув. бошқарув мақсадини аниқ фармаллаштириш имконияти бўлган ҳолларда, унга эришишни автоматик равишда, яъни инсон аралашувисиз фақат техник қурилмалар билан таъминлаш мумкин, Мақсадни формаллаштирилган кўринишда тақдим этиш нуқтаи назаридан бошқарувнинг ва мос равишда автоматик бошқарув тизимларининг бир неча турларини ажратиш мумкин: ростлаш, мантиқий бошқариш, оптималлаштириш ва манипуляциялаш.

Автоматик ростлаш - автоматик бошқарувнинг тури бўлиб, унда бошқарув мақсади объектнинг бошқариладиган параметрлари қийматини берилган даражада ушлаб туриш деб таърифланади. Бундай тизимларда бошқарув тизимини автоматик ростлагич деб юритилади.

Берилаётган ростлаш параметрларининг (берилаётган таъсир) вақт бирлигида ўзгариш хусусиятига қараб автоматик бошқарув тизими автоматик барқарорлаштириш, дастурий ростлаш ва кузатиш тизимларига бўлинади.

Автоматик барқарорлаштириш тизимларида берилаётган қийматлар - доимий, дастурий ростлаш тизимларида - маълум қонуният (дастур) бўйича вақтга боғлиқ равишда ўзгаради ва кузатиш тизимларида - олдиндан номаълум бўлиб, вақт давомида ўзгаради.