Avtotransport vositalarining diagnostikasi

3.1.2. Diagnostikalash tizimining tarkibi

Ob’ektni (transport vositasi, agregat, mexanizm, uzel) diagnostikalash texnik xujjatlarda belgilangan algoritm (ob’ektga ta’sir etish ketma-ketligi yig’indisi) bo’yicha amalga oshiriladi (4-rasm).

Diagnostik axborotni olish bo’yicha diagnostikalash tizimi funktsional va testli turlarga bo’linadi. Funktsional diagnostikalash ob’ektning ishlash jarayonida olib boriladi. Testli diagnostikalashda ob’ektning sun’iy ishlashi tashkil etilib, diagnostik parametrlar o’lchanadi.

Diagnostik parametrlarni o’lchash bo’yicha diagnostikalash tizimi universal va maxsus turlarga bo’linadi. Universal tizim bir necha diagnostik jarayonlar uchun mo’ljallangan bo’lsa, maxsus tizim faqat bitta diagnostik jarayonni ta’minlaydi.

Diagnoz qo’yish asosi bo’yicha diagnostikalash tizimi umumiy va elementar (lokallashgan) bo’lishi mumkin. Umumiy diagnoz qo’yishda, diagnostik ob’ekt bir butun tarzda ko’riladi va bunda ob’ektning holati «yaroqli» va «yaroqsiz» darajasida aniqlanadi. Elementar diagnoz qo’yish esa ob’ektning tarkibiy qismlarini diagnostikalash uchun qo’llaniladi.

Diagnostik axborotga ishlov berish bo’yicha diagnostikalash tizimi qo’lda bajariladigan va avtomatlashtirilgan bo’lishi mumkin. qo’lda bajarilganda o’lchangan diagnostik parametrlarga ishlov berilib.