Avtotransport vositalarining diagnostikasi

17.5 – расм. HONDA фирмасининг SH-AWD орқа дифференциали:

1 -гипоид узатмаси; 2 - гидравлик юритма; 3 – планетар узатма; 4 – илашма; 5 - соленоид; 6 - планетар узатма; 7 - илашма; А - тезлатиш модули; Б – электромагнит илашиши блоки.

Асосий янгиликлар орқа дифференциалда жамланган. Аввало, бу автомобилсозликда биринчи марта қўлланилган электромагнитли кўп дискли илашмалардир. Уларнинг ҳар бири “ўзига” тегишли чап ёки ўнг орқа ғилдиракларга узатилаётган моментни бошқаради. Ички ўрнатилган электромагнит ғалтаклар магнит ўзаги ҳолатини унинг корпусига нисбатан ўзгартиради. Диск пакетларини сиқиш ва буровчи моментларни тақсимланишини текис ўзгаришини таъминлаш учун магнитга қандай ток берилишини электрон мия бошқаради. Компьютернинг умумий бошқаруви асосида ҳар икки илашма бир-биридан мустақил равишда ишлаши мумкин. Илашма модуллари ўзларини планетар узатмалари билан тўлдирилган.

Дифференциал билан тандем бўлиб кескин бурилишларда автомобилнинг ҳаракатини ишончлироқ қиладиган тезлатиш модули ҳизмат қилади. Унинг вазифаси - бурилишларда орқа ғилдиракларни мажбурий кўпроқ буралишини таъминлаш. Айнан шу билан у анъанавий қурилмалардан фарқланади. Бурилишда ташқи орқа ғилдиракнинг ҳаракат траекторияси олд ғилдираклар траекториясига нисбатан ташқарига қараб сурилиши сир эмас. Муаммо шундаки, анъанавий узатиш схемасида ташқи орқа ғилдирак олдингига қараганда секинроқ ҳаракат қилади ва бу билан қувватни тўлиқ узатилишига тўсқинлик қилади. Натижада – бошқарувчанлик йўқолади ва ёнаки сирпаниш хавфи туғилади. SH-AWDнинг тезлатиш модули бу муаммони ечишга йўналган.

Тўғри йўлдан ҳаракатланиш даврида планетар узатманинг шестернялари кардан вали билан бир хил айланади - олд ва орқа ғилдирак тезлиги бир хил бўлади. Машина бурилиш ҳолатига кириши билан гидравлик юритма яна бир илашиш модули (сони бўйича учинчи) ёрдамида планетар узатмани ишга туширади: бу ҳолатда орқа ғилдиракнинг керакли томони оптимал тезликкача айлантирилади! Электроника ҳайдаш услуби ҳақидаги маълумот асосида, топшириқ бериши диққатга сазовордир. Бошқа сўз билан айтганда, агар ҳайдовчи машинани бурилишга олиб кирганда оёғини газ педалидан олмаса электроника реакцияси автомобил бурилиш ёйини инерция ёки тормозланиш ҳолатидагига нисбатан бутунлай бошқача бўлади. Шундай қилиб, SH-AWD машинанинг етарли бўлмаган ва ортиқча бурулувчанлигини аниқ кўринишини бартараф этган ҳолда буровчи моментни узатишни ўзгартириш имконини беради.