Avtoraqamlar berishning soddalashtirilgan va korrupsiyasiz mexanizmini joriy etish taklif etilmoqda

Raqamni avtomobil bilan “sotish”ning usuli: Raqam sotuvchisi unchalik qimmat bo‘lmagan avtomobilni sotib olib, DYHXXga ariza bergan holda unga “chiroyli” yoki “o‘zing tuzib ol” raqamini o‘rnatadi. Shundan so‘ng arzon avtomobil qimmat raqam bilan birga sotiladi (sovg‘a qilinadi). Avtomobilni DYHXXda ro‘yxatdan o‘tkazish vaqtida transport vositasining yangi egasi raqamni saqlab qolish bo‘yicha ariza topshiradi. Ro‘yxatdan o‘tkazilganidan keyin esa raqamni boshqa bir avtomobilga joylashtirish bo‘yicha ariza beriladi. Yugur-yugurlari ko‘p bo‘lishiga qaramay, maqsadga erishish mumkin.
Raqamga shikast yetganida
“Chiroyli” yoki “o‘zing tuzib ol” raqamiga shikast yetganida DYHXXning hududiy organlari avtotransport votisatining ro‘yxatdan o‘tgan ma’lumotlari asosida uning nusxasini taqdim etadi. Nusxalar DYHXXning hududiy organlarini talabnomasiga asosan beriladi. Raqamlar nusxasi taqdim etilguniga qadar ilgari ishlatiladigan amaldagi raqamlar tegishli to‘lovlarsiz berilishi mumkin.
Raqam nusxasini olish uchun “oddiy” raqamga to‘lanadigan stavkaning yarmini to‘lashga to‘g‘ri keladi. Qonunchilikka kiritilgan so‘nggi o‘zgaritishlarga ko‘ra, ushbu jarayon 8 kungacha vaqtni o‘z ichiga oladi.
Raqam o‘g‘rilanganida yoki yo‘qotilganida
“Chiroyli” va “o‘zing tuzib ol” raqamlari yo‘qotib yoki o‘g‘irlatib qo‘yilganida uning nusxalari taqdim etilmaydi. Bu kabi holatda faqatgina uni qayta topilib qolishiga umid qilish mumkin. Raqam topilganida uning egasi tomonidan berilgan arizaga muvofiq qaytarib beriladi.
Shu kabi tartib mashina o‘g‘irlab ketilganida ham qo‘llaniladi.
Raqam egasi vafot etganida
Avtomobil egasi olamdan o‘tganida ularning huquqiy jihatdan merosxo‘rlari (qonun bo‘yicha merosxo‘r, vasiy) “chiroyli” yoki “o‘zing tuzib ol” raqamiga egalik qilishi mumkin.