Автомототранспорт воситаларини давлат рўйхатидан ўтказиш ва уларга рўйхатдан ўтказиш давлат рақами белгиларини бериш тартибини такомиллаштириш тўғрисида

8-боб. Якунловчи қоидалар
64. ЙҲХДХ органларида рўйхатга олиш ҳаракатларини амалга ошириш учун асос бўладиган ҳужжатларнинг сақланиш муддати 5 йилни ташкил этади (автомототранспорт воситаларини ва РЎДРБни беришни рўйхатга олиш китоби ва автомототранспорт воситаларини рўйхатга олиш тўғрисидаги гувоҳномалардан ташқари).
Автомототранспорт воситаларини ва РЎДРБни беришни рўйхатга олиш китоби ва автомототранспорт воситаларини рўйхатга олиш тўғрисидаги гувоҳномаларнинг сақланиш муддати 75 йилни ташкил этади.
65. I, IA, III ва битта ҳарфли сериядаги 999 та жуфт рақамларни ичига олган IIIA типидаги РЎДРБнинг ҳар бир янги партияси битта ҳудудий ЙҲХДХ органи (битта РИБ ёки битта ТРИБ) томонидан белгиланган намунадаги алоҳида журнални юритган ҳолда берилади.
66. Амалдаги харидоргирлигига қараб илгари ишлаб чиқилган партиялар орасидан, шу жумладан ишлаб чиқарилиши амалга оширилмаган қўшимча РЎДРБлар ишлаб чиқарилиши мумкин. РЎДРБнинг берилиши ўрнатилган тартибда ҳудудий ЙҲХДХ органи томонидан белгиланган намунадаги махсус журнални юритган ҳолда амалга оширилади.
67. РЎДРБлар белгиланган тартибда ҳудудий ЙҲХДХ органлари томонидан уларнинг берилишига қадар қатъий навбат асосида ортиб борилган тартибда сақланади.
68. Мазкур Низом талаблари бузилишида айбдор бўлган шахслар қонун ҳужжатларига мувофиқ жавоб берадилар.
9-боб. Иш юритиш
69. Иш юритиш Ўзбекистон Республикаси Ички ишлар вазирлиги томонидан тасдиқланган тартибда амалга оширилади.
Вазирлар Маҳкамасининг 2017 йил 31 августдаги 683-сон қарорига
2-ИЛОВА
Жисмоний ва юридик шахсларга автотранспорт воситалари учун рўйхатдан ўтказиш давлат рақами белгиларини оширилган тўлов ставкалари бўйича беришда «Ўзбекистон республика товар-хом ашё биржаси» АЖ ахборот тизимида аукцион ўтказиш тартиби тўғрисида
НИЗОМ
1. Ушбу Низом Вазирлар Маҳкамасининг «Электрон ярмаркалар, аукцион ва танловлар ташкилотчиларининг — ахборот воситачиларининг фаолиятини ташкил этиш тартиби тўғрисидаги низомни тасдиқлаш ҳақида» 2016 йил 2 августдаги 249-сон қарорига мувофиқ, жисмоний ва юридик шахсларга автотранспорт воситалари учун рўйхатдан ўтказиш давлат рақами белгиларини (кейинги ўринларда РЎДРБ деб аталади) оширилган тўлов ставкалари бўйича беришда «Ўзбекистон республика товар-хомашё биржаси» АЖ ахборот тизимида аукцион ўтказиш тартибини белгилайди.
2. Ушбу низомда қуйидаги асосий тушунчалардан фойдаланилади: