Avtomobil g’ildirak va shinalarga Xizmat kursatish

To’ldirish ishlari uchun qo’llaniladigan jihozlar. To’ldirish ob’ektlari: akkumulyator batareyasi, dvigatelning moylash, sovutish tizimi, tormoz tizimi, shinalar.
Akkumulyator batareyasi davriy ravishda distillangan suv bilan to’ldirib turiladi. Elektrolit sathi ko’zdan kechiriladi, maxsus idishdan foydalanib, kami to’ldiriladi. Ishni mexanizatsiyalash uchun post yonida maxsus stol yoki tokcha, idish va unga o’rnatilgan shlanglardan foydalaniladi.
Dvigatel moyini, o’chirilgan holda, maxsus shup yordamida belgi orqali ko’zdan kechirib tekshiriladi. Moy dvigatel kallak qopqog’i orqali 1 litrli idish, voronka yordamida to’ldiriladi.
Dvigatel sovutish tizimi suyuqlik miqdori maxsus idishdagi belgi bo’yicha ko’zdan kechirish orqali tekshiriladi. Maxsus idish qopqog’i orqali 1 litrli idish va voronka yordamida to’ldiriladi.
Tormoz tizimi suyuqligining sathi maxsus idishdagi belgi orqali ko’zdan kechirib tekshiriladi, 1 litrli idish va voronka yordamida to’ldiriladi.
Avtomobil shinalarini siqilgan havo bilan ta’minlash uchun qo’zg’aluvchan va qo’zg’almas kompressorlardan (4.31-rasm), azot bilan to’ldirishda esa generator uskunalaridan (4.32-rasm) foydalaniladi.




4.31-rasm. Kompressor uskunasi 4.32-rasm. Shinalarni azot bilan
to’ldirish generatori
Zamonaviy avtomobillarda qo’llanilayotgan kondistionerlarni mahsussuyuqlik bilan to’ldirishda ECK Value Fully Automatic (4.33- rasm), sovutish tizimidagi sovutish suyuqligini me’yoriga keltirish yoki almashtirishda Raasm 37691 (Alfa 23200) turidagi jihozlardan (4.34-rasm) foydalaniladi.

4.33-rasm. ECK Value Fully Automatic rusumli avtomobil konditsionerini to’ldirish jihozi
4.34-rasm. Raasm 37691 (Alfa 23200) rusumli antifriz bilan ta’minlash uskunasi