Автомобил генераторлари

Автомобил электр жиҳозларига қўйиладиган Давлат стандарти талаблари:


1. Номинал кучланиш . Электр энергия истеъмолчиларининг номинал кучланиши - 12, 24 В. Асосий ток манбаи - генераторнинг номинал кучланиши 14, 28 В қийматида белгиланади;
2. Электр ўтказгичларнинг уланиш схемаси. Автомобилларда бир ўтказгичли схема жорий қилинган, яъни барча истеъмолчиларга битта ўтказгич уланади (мусбат қутб), ток манбаи ва истеъмолчиларнинг иккинчи, яъни манфий қутби эса "масса"га (автомобил кузовига ёки шассисига) уланади;
3. Автомобил электр жиҳозларининг номинал кўрсаткичлари (қуввати, ток кучи, кучланиши ва ҳоказо) , атроф муҳитнинг ҳарорати 25±10 °С, нисбий намлиги 45-80%, атмосфера босими 870-1060 гПа бўлган шароитда белгиланади;
4. Автомобил электр жиҳозларининг чулғамлари ва ток ўтказувчи бошқа паст кучланишли занжир элементларининг корпусга нисбатан изоляцияси шикастланмасдан 1 мин давомида 50 гц частотали 500 В кучланишга чидаши керак;
5. Автомобил электр жиҳозларидаги чулғамларнинг қизиш темпера-тураси, ишлатилган изоляция материалларнинг тоифасига кўра, 100-135 °С дан ошмаслиги керак;
6. Электр машиналар, ўт олдириш тизимининг узгич-тақсимлагичи салт ишлаш шароитида катталаштирилган айланишлар частотаси билан синалганда 2 мин давомида шикастланмасдан ишлаши лозим. Стартер эса бундай синовга 20 секунд давомида чидаши зарур.
Автомобил генератор қурилмалари


Автомобилларнинг электр таъминот тизими қуйидаги элементлардан ташкил топган: генератор; кучланиш ростлагичи; аккумуляторлар батареяси;

• 
  Генератор, мотор ўрта ва катта айланишлар частотаси билан ишлаб турганда, авто-мобилдаги электр энергиянинг асосий манбаи бўлиб, истеъ-молчиларни электр токи билан таъминлайди ва аккумулятор-ни заряд қилади.
  
• 
  Аккумуляторлар батареяси ёрдамчи ток манбаи бўлиб, у моторни ишга туширишда стартёрга ток бериш ва генератор ишламаётганда ёки унинг қуввати етарли бўлмаганда барча истеъмолчиларни электр энергияси билан таъ-минлаш вазифасини бажаради
  
• 
  Кучланиш ростлагичи гене-раторнинг айланишлар час-тотаси ва юкламаси ўзгарганда унинг кучланишини белгиланган қиймат даража-сида автоматик равишда ушлаб туриш учун хизмат қилади.
  

Автомобилларда асосан 2 турдаги генератор ишлатилган:

• 
  Ўтган асрнинг 50-чи йиллари-гача– ўзгармас ток генератори;
  
• 
  Ўтган асрнинг 60-чи йиллари-дан ҳозирги кунгача– фақат ўзгарувчан ток генератори;