Avtomobil elektr jihozlariga qo‘yiladigan asosiy texnik talablar

«L-Jetronic» ёнилғи пуркаш тизими қуйидагича ишлайди: электр бензин насоси 2 ёнилғини бак 1 дан олиб (60-расм) ёнилғи тозалагич 3 орқали ~0,25 МПа босим билан тақсимлагич қувири 4 га узатади. Тақсимлагич қувири махсус шланглар ёрдамида ишчи форсункалар 9 билан туташтирилган. Тақсимлагич қувирининг иккинчи учига жойлаштирилган босим ростлагичи 5 тизимдаги ёнилғи босимини белгиланган қиймат даражасида ушлаб туриш ва ортиқча ёнилғини бак 1 га қайтариш учун хизмат қилади. Шу тарзда ёнилғини узлуксиз айланиб туриши ва тизимда буғ тиқинлари ҳосил бўлмаслиги таъминланади.

Пуркаланаётган ёнилғи миқдори электрон бошқариш блоки 7 томонидан цилиндрларга киритилаётган ҳаво хажми, босими ва ҳарорати, шунингдек тирсакли валнинг айланишлар частотаси, двигател юкламаси ва совитиш суюқлиги ҳароратини ҳисобга олган ҳолда аниқланади. Мono–Jetronic пуракаш тизими нархи унча катта бўлмаган, масалан “Volkswagen - Pаssаt”, “Volkswagen – Pеgo”, “Audi-80” ва бошқа шунга ўхшаш жуда кўп автомобилларга ўрнатилган.

Электрон бошқариш блоки (ЭББ) ички ёнув двигателининг жорий ҳолати ва иш режимини қайд қилувчи датчиклардан келадиган маълумот асосида ишлайди. Датчиклардан келган маълумотлар асосида ва бошқариш блокининг доимий хотира қурилмасига жойлаштирилган пуркаш тизимининг уч ўлчамли тавсифномасидан фойдаланиб ЭББ марказий электромагнит форсунканинг очилиш дақиқаси ва уни давомийлиги аниқлайди. Амалга оширилган ҳисоблашлар асосида ЭББ да марказий пуракаш форсункасини бошқариш учун электримпульсли сигнал шаклланади. Бу сигнал форсунка магнит соленоидининг чулғамига таъсир қилади ва юзага келаган магнит майдон беркитувчи клапанни очади. Натижада марказий форсунка 4 орқали бензин 1,0...1,1 бар босим остида мажбуран аралашиш камерасига пуркалади.

Бензин тўла ва самарали ёниши учун ёнилғи-ҳаво аралашмасидаги бензин ва ҳаво массасининг ўзаро нисбати қатъий белгиланган қийматда бўлиб, у 1:14.7 га тенг бўлиши керак. Бу, юқорида кўрсатилгандек стехиометрик таркиб бўлиб, унда ҳавонинг ортиқлик коэффициенти α = 1 га тенг бўлади.

Демак, ҳар қандай ёнилғи пуркаш тизимида цилиндрларга киритилаётган ҳаво массасини ўлчовчи механизм бўлиши шарт.

Мono–Jetronic тизимида ҳаво массаси нисбий усулда иккита кўрсаткич, яъни сўрилаётган ҳаво ҳарорати ва дроссел тўсиқчасининг ҳолат датчикларидан келаётган