Avtomatlashtirilgan

228. Sun’iy intellektning asosiy xususiyatlari va unda yechiladigan masalalar.
Sun’iy intellekt — informatikaning alohida sohasi bo‘lib, odatda inson ongi bilan bog‘liq imkoniyatlar: tilni tushunish, o‘rgatish, muhokama qilish, masalani yechish, tarjima va shu kabi imkoniyatlarga ega kompyuter tizimlarini yaratish bilan shug‘ullanadi.Sun'iy intellekt (SI) kompyuterlarga o'zlarining tajribalarini o'rganish, berilgan parametrlarga moslashish va ilgari faqat odamlar uchun mumkin bo'lgan vazifalarni bajarish imkonini beradi. SIni amalga oshirishning ko'p holatlarida - kompyuter shaxmatchilaridan tortib uchuvchisiz transport vositalarigacha - chuqur o'rganish va tabiiy tillarni qayta ishlash imkoniyati juda muhimdir. Ushbu texnologiyalar tufayli kompyuterlarga katta miqdordagi ma'lumotlarni qayta ishlash va ulardagi naqshlarni aniqlash orqali muayyan vazifalarni bajarishga "o'rgatish" mumkin.
SI formallashmagan masalalar uchun mo`ljallangan, formallashgan 
masalalar yechimiga mo`ljallangan dasturlarni ishlab chiqishda an’anaviy 
yondoshuvni o`zgartirmaydi va rad etmaydi. 
Formallashmagan masalalar
odatda quyidagi xususiyatlarga ega bo`ladi: 
- xatolikli, birxilliksiz, to`liqmaslik va boshlang`ich ma’lumotlarning 
qarama-qarshilikligi; 
- xatoli, muammo haqidagi bilimlarning to`liqmasligi va qarama-
qarshilikligi; 
- yechim fazosi o`lchamining kattaligi, ya’ni yechimni izlashda birma-bir 
tekshirishning katta bo`lishi; 
- ma’lumotlar va bilimlarning dinamik o`zgaruvchanligi. 
Shuni ta’kidlash kerakki, formallashmagan masalalar katta va juda muhim 
masalalar sinfini tashkil qiladi. Ko`pchilik mutaxassislar bu masalalarni EHM da 
yechiladigan masalalar sinfi deb hisoblaydilar.
229. Yarim o‘tkazgichli mikro elektronikaning fizik asoslari.
Yarim o‘tkazgichlar va dielektriklar fizikasi hozirgi zamon fizikasining eng asosiy qismi bo‘lib, uning yutuqlari asosida asbobsozlik, radiotexnika va mikroelektronika sohalari rivojlanadi. Yarim o‘tkazgichlar elektr o‘tkazuvchanligi bo‘yicha metallar bilan dielektriklar oralig‘idagi moddalar guruhiga kiradi va T=0 da ularning valent zonasi elektronlar bilan band bo‘lib taqiqlangan zonasining kengligi katta emas (1eV). Atom elektron buluti bilan o‘ralgan yadrodan tashkil topgan.
Yarim o‘tkazgichlarga shunday materiallar kiradiki, ularning xona haroratidagi solishtirma elektr qarshiligi 10^-5 dan 10¹⁰ om sm gacha bo‘ladi. (yarim o‘tkazgichli texnikada 1 sm³ hajmdagi materialning qarshiligini o‘lchash qabul qilingan). Yarim o‘tkazgichlar soni metall va dielektriklar sonidan ortiq, juda ko‘p hollarda kremniy, arsenid galliy, selen, germaniy, tellur va har xil oksidlar, sulfidlar va karbidlar kabi yarimo‘tkazgich materiallardan foydalaniladi.
Yarim o‘tkazgich materiallarining elektrofizik xususiyatlarini o‘rganish asosida yangi fizik asboblar yaratish imkoniyati tug‘iladi. Ayniqsa, qattiq jismlar fizikasining yarim o‘tkazgichlar fizikasi qismini o‘rganadigan materiallar asosida hozirgi zamon talablariga javob beradigan fizik asboblar va qurilmalar yaratiladi.
Elementar yarim o‘tkazgich bo‘lgan kremniy va germaniy elementlaridan, shuningdek murakkab strukturali yarim o‘tkazgichlar xususiyatlarini o‘rganish, ularning tashqi ta’sir ostida xususiyatlari o‘zgarishini kuzatish orqali ham kerakli xossalarga ega bo‘lgan asboblar yaratish imkoniyati tug‘iladi.