Avtomatika asoslari va ishlab cнiqarisн jarayonlarini avtomatlasнtirisн

 
15.2. Inkubator qurilmalarida mikroklimatni avtomatlashtirish 
 
“Universal-55”  tipidagi  inkubatorida  harorat  va  namlikni  avtomatik 
rostlashning  printsipial-elektr  sxemasi  15.2-rasmda  ko‘rsatilgan.  Qurilma 
avtomatik  va  qo‘l  rejimida  ishlaydi.  Avtomatik  rejimda  inkubator  kamerasidagi 
haroratni  pasayishi  bilan  AL  termorostlagichi  (RTI-3)  VS  tiristorini  ochishga 
signalni  uzatadi.  Bunda  nominal  kuchlanishning  yarmiga  teng  bo‘lgan  teskari 
ketma-ketlikdagi  elektr  kuchlanishi  EK1  va  EK2  qizdirish  elementlariga  keladi. 
Haroratni  yanada  kamayishi  bilan  esa  AL  termorostlagichi  KM2  magnitli  ishga 
tushirgichni  g‘altagiga  kuchlanish  beradi  va  o‘zining  kontaktlari  bilan  tiristorni 
shuntlaydi  hamda  qizdirish  elementlarini  to‘la  kuchlanish  bilan  ta’minlaydi. 
Haroratning  ko‘tarilishi  bilan  esa  shkafda  avvalo  KM2  magnitli  ishga  tushirgichi 
o‘chiriladi va keyin esa VS tiristorini yopish uchun signal uzatiladi. Agar harorat 
38,3  S dan oshib ketsa, u holda SK1 harorat relesining kontaktlari qo‘shilib KV1 
relesini ishga tushiradi va KV2 oraliq relesini o‘chiradi. KV2 rele kontaktlari AL 
harorat  rostlagichini  o‘chiradi  va  YA1  sovitish  solenoidini,  yorug‘lik  va  tovushli 
avariya signalizatsiyasini hamda HL1 mahalliy yoritishni qo‘shadi. 
 
Kameradagi namlikni kamayishi natijasida (3 foizga) A2 namlik rostlagichi 
YA2  solenoidni  qo‘shadi va  M2  mexanik  suv  purkagichni ishga  tushiradi.  Bunda 

---

 
160 
HL5  signal  lampasi  yonadi.  HL4  yorug‘lik  signalizatsiyasi  “Qizdirish”,  HL3  – 
“Harorat me’yorida” va HL2 – “Sovitish” belgilarini ko‘rsatadi.