Avtomatik boshqarishning asosiy tamoyillari

2.3-расм. Синхрон генератор кучланишини бошқариш тизими схемаси

Biroq bir vaqtda yuklama toki katta bo‘lgani uchun TT ikkilamchi cho‘lg‘amida kuchlanish oshadi, natijada esa, qo‘zg‘atish cho‘lg‘ami zanjirida xam kuchlanish oshadi. Generatorning qo‘zg‘atish toki shunchaga oshadiki, natijada generatorning kuchlanishi dastlabki qiymatga qaytadi.

G‘alayonlanish bo‘yicha boshqarish prinsipining asosiy ustunligi-texnik ijrosining nisbatan soddaligi va kompensatsiyalash zanjiridagi yuqori tezligi, chunki tizim natijadan emas sababdan ta’sirlanadi. Asosiy kamchiligi-tanlash xususiyati; odatda faqat bitta yoki bir nechta jiddiy g‘alayonlarni ta’siri xisobga olinadi, chunki har doim ham barcha g‘alayonlarni o‘lchab bo‘lmaydi.


3. Qurama boshqarish tamoyillari


. Bu prinsipda og‘ish va g‘alayon bo‘yicha boshqarish prinsiplari mujassam.2.4-rasmda ABT kombinatsion boshqarishni funksional sxemasi keltirilgan. Bunda, manfiy teskari aloqalar orqali sodir bo‘ladigan yopiq konturlar bilan, asosiy g‘alayonlanuvchi ta’sirlarni kompensatsiyalovchi zanjirlari mavjud.


Adaptatsiyalash tamoyili


. Moslanuvchi tizimlar ishlash jarayonida atrof muxitning sezilarli darajadagi o‘zgarishlariga, shuningdek o‘zining xususiyatlarini muvofiqlashtirish qobiliyatiga ega. Moslashuvchi tizim (2.4-rasm) asosiy boshqarish qurilmasi OUU va qo‘shimcha boshqarish qurilmasiga DUU ega. Asosiy tizim og‘ish bo‘yicha boshqarish prinsipini amalga oshiradi va o‘z ichiga boshqariluvchi ob’ekt O va boshqaruvchi qurilma OUU oladi.
DUU boshqariluvchi ob’ektga ta’sir etuvchi kirish signali va g‘alayonlar xususiyatlarini baholaydi, boshqariluvchi ob’ektga ta’sir etish uchun OUU tomonidan ishlab chiqilgan boshqaruvchi ta’sirlarni, shuningdek boshqaruvchi ta’sirlardan roslanuvchi kattalikni o‘zgarish natijalarini amaldagi g‘alayonlarga nisbatan taxlil qiladi.
DUU kelgan ma’lumotlarga ishlov berish asosida asosiy boshqaruvchi qurilma xarakteristikalarini o‘zgarish usulini aniqlaydi (parametrlarni, tuzilmani yoki boshqarish qonuni).

2.4-расм. Мослашиш тизимининг тузилмавий схемаси


SHunday qilib, ABTni moslashtirishni, asosiy boshqaruvchi qurilmani qo‘yilgan boshqarish maqsadiga etishi uchun, o‘zgaruvchi ish sharoiti haqidagi joriy ma’lumotlar bilan birgalikda avtomatik rostlash jarayoni sifatida tasavvur qilish mumkin.