Avtomatik boshqarish tizimlarini

Sistemotexnika va sistemologiya.

Model, modellashtirish ularning turlari va ilmiy tadqiqotlardagi roli.

Konseptual modellashtirish. Modellashtirishning metodologik asoslari. Asosiy tushunchalar va ta’riflar.

Boshqarish obyekti xususiyatlarini o‘rganish, boshqaruvchanlik darajasini bilish, turli masalalarni loyihalash, optimallashtirish, bashoratlash, tashxislash va hokazolarni yechish uchun m urakkab boshqarish tizimining matematik modelini qurish kerak bo‘ladi. Model — boshqarish obyektining asosiy xususiyatlari, bog‘lanishlari, parametrlari orasidagi bog‘lanishlarni ifodalovchi yoki o‘xshatuvchi bo‘lib, belgilar (simvol) yoki moddiy narsalar yordamida modellashtirilayotgan obyektni tasavvur qilish imkonini beruvchidir. Modellashtirish — model asosida (matematik yoki fizik) yoki o‘xshatish nazariyasini qo‘llab yaratilgan qurilmada jarayon yoki voqea va hodisalarni o‘rganish usuli. Murakkab — boshqarish tizimlarini modellashtirishda keyingi vaqtlarda topologiya, mantiq-dinamika, imitatsion modellashtirish va boshqa usullar qo‘llanib kelinadi. Shulardan keng tarqalgani imitatsion modellashtirish usulidir. Imitatsion model — modellar majmuasi bo‘lib, yordamchi dasturlar, m a’lumotlar bazasi yordamida murakkab tizimlarda bo‘layotgan voqea va hodisalarni sodda ko‘rinishda tezlik bilan qurish va hisoblash tajribalarini o‘tkazishga mo‘ljallangandir. Imitatsion model takomillashuvchan bo‘lib, har bir element modeli yangilanganda, u modul ko‘rinishida umumiy modelga kiritiladi. Ma’lumotlar bazasi ham kerakli ma’lumotlar bilan yangilanib turadi va hokazo.