Avstraliya floristik oblasti

Quruq iqlimli butazorlarda, tog’ qiyaliklarida ksantorrea (Liliyadoshlar oilasi), kenguru o’ti, tikanli o’t – spinefeks kabilar o’sadi. Tinch okeani qirg’oqlaridagi manzaralarda chalabuta shaklida o’suvchi gudeneyadoshlar oilasi vakillari o’sadi. Butalardan tashqari sefalotadoshlar, tremendradoshlar oilalari ham bu floristik oblasti uchun endem hisoblanadi.

Avstraliya floristik oblasti 3ta kichik oblastga bo’linadi:

Avstraliya floristik oblasti 3ta kichik oblastga bo’linadi:

1. Shimoliy-sharqiy kichik oblasti

2. Eremiya kichik oblasti

3.Janubiy-g’arbiy kichik oblasti

Hozirgi Eremiya o’rnida, ya’ni materikning cho’llardan iborat markaziy qismida mezozoy erasida dengiz mavjud bo’lgan va u Avstraliyani ikkita orolga bo’lib turgan. Uchlamchi davrda Avstraliya florasi paleotropik floristik oblastning Maleziya kichik oblasti bilan ikki marta birlashish imkoniga ega bo’lgan va yana ajralib ketgan. Shuning uchun ham bu yerda Maleziya uchun xos bo’lgan ba’zi vakillarni uchratish mumkin.

Hozirgi Eremiya o’rnida, ya’ni materikning cho’llardan iborat markaziy qismida mezozoy erasida dengiz mavjud bo’lgan va u Avstraliyani ikkita orolga bo’lib turgan. Uchlamchi davrda Avstraliya florasi paleotropik floristik oblastning Maleziya kichik oblasti bilan ikki marta birlashish imkoniga ega bo’lgan va yana ajralib ketgan. Shuning uchun ham bu yerda Maleziya uchun xos bo’lgan ba’zi vakillarni uchratish mumkin.

Shimoliy-sharqiy kichik oblasti

O’rmonli floraga ega bo’lib, Maleziya elementlariga boydir. Ba’zan uni Paleotropik floristik oblastiga kiritadilar.

Eremiya kichik oblasti

Markaziy Avstraliyaning to’liq maydonlarini, shimoliy-g’arbiy sohillarini o’z ichiga oladi. Bu yerlar savanna va dashtlar, ichkari qismi cho’llardan iborat. Kserofil butalar keng tarqalgan bo’lib, «skreb»lar deb ataluvchi tikanli, quyuq butazorlarni hosil qiladi. Bu yerlarda akatsiyalar, evkaliptlar o’sadi. Cho’llarda butasimon evkaliptlar va qadimiy kazuarin turkumi vakillari keng tarqalgan.

Janubiy-G’arbiy kichik oblasti

Dag’albargli doim yashil o’rmonlar hukmronlik qiladi. O’rmonni asosan turli xildagi evkaliptlar, akatsiyalar, kazuarina, proteydoshlar oilasi vakillari tashkil etadi. Bu kichik oblastda qisman savannalar bo’lib, daraxtsimon liliyadoshlar vakillari o’sadi