|
Autoplay programmasında multimedialı qosımshalardı jaratıw
Keyingi jıllarda multimedia hújjetlerin jaratıwǵa baylanıslı júdá kóplegen dástúriy taminatlar islep shıǵılǵan. Olardan biri AutoPlay dástúri.
Qálegen fayl yaki fayllar toplamın bir ortalıqqa birlestiriw, sonday-aq, CD yaki DVD diskler ushın Autorun-menyusin payda etiwde Autoplay Media Studio eń kúshli visual paket esaplanadı.
Multimedia texnologiyalarına tiykarlanǵan ámeliy dástúrlerdi jaratıw ushın Autoplay Media Studio dástúrinen paydalanıw paydalanıwshılar ushın júdá ańsat hám qolaylı interfeysti usınadı.
Autoplay Media Studio menen islewde derlik programmalastırıw jumısları talap etilmeydi. Paydalanıwshı tek ǵana túrli dizaynlı dástúriy ortalıqtı tańlaw ushın bir neshe tayar formalardaǵı proekt shablonlarınan paydalanıw múmkin.
Bunda ámeliy dástúr ortalıǵın dizaynǵa bay jaǵdayda shólkemlestiriw ushın Autoplay dástúriy quralı quramında tayar obyektler bar bolıp, olar quramına buyrıq túymesi, dawıs kúsheytiwshi, fayllardı printerden baspaǵa shıǵarıwdı támiyinlewshi, Veb-saytlardı ashıwshı hám olarǵa múrájáátti ámelge asırıp beriwshi bir qatar funkcional obyektlerdi kiritiw múmkin.
Ámeliy dástúr ushın grafikalıq qabıqlardı jaratıw, onı avtomat iske túsiriw ushın Autoplay Media Studio barlıq kerekli fayllardı ózi jaratadı. Paydalanıwshılar moynına bolsa tek qattı disk hám kompakt disklerdi jazıw ushın tayar proektlerdi qáliplestiriw wazıypası qaladı.
Dástúr paydalanıwshılarǵa obyektlerdi óz-ara baylanıstırıwdı ámelge asırıwǵa járdem beriwshi júzlegen qurallardı usına aladı.
Autoplay Media Studio dástúri ortalıǵında Visual Basic, Visual C++, Java, Macromedia Flash kibi qatar sistemalarda jaratılǵan hújjetlerdi biymálel qayta islew múmkin.
Dástúr járdeminde animaciya qoyıwshı menyudi, kataloglar teregin, maǵlıwmatlar bazasın hám usıǵan uqsas obyektlerdi tez jaratıw ǵana emes, bálkim olardı basqarıwda múmkin.
Avtomatik iske túsiwshi aynalardı óziniń kitapxanasındaǵı “maska”lardan paydalanǵan halda qálegen formada jaratıw múmkin. Bunday “maska” sıpatında .jpg, .bmp hám .png kibi formattaǵı fayllardan paydalansada boladı.
Sonday-aq, maǵlıwmatlardı CD ushın tayarlanǵan halda onı dástúrdiń ózinen turıp, CD yaki DVDǵa jaza alıwı Autoplay Media Studio dástúriniń keń imkaniyatlarǵa iye ekenligin kórsetedi.
Tayar proekt bunda .exe keńeytpedegi fayl sıpatında ózi ashılıwshı arxiv kórinisinde yaki qattı disktegi óz aldına papkada qóliplestiriliwi múmkin.
Bunnan tısqarı, dástúrge tekstti orfografik tekseriw imkaniyatıda kiritilgen. Dástúrdiń bul qásiyeti onıń Label, Paragraph hám Button kibi obyektleri menen birge isleydi. Eger dástúr kompyuterge tolıq versiya menen ornatılǵan bolsa, tekstti orfografik tekseriw ushın onıń kitapxanasında júdá úlken kólemdegi sózlikler bolıwı múmkin.
Solay etip, AutoPlay Media Studio 7.0 niń jańa versiyası tómendegi imkaniyatlarǵa iye bolǵan halda titınıwǵa shıǵarılǵan.
Avtomatik iske túsiwshi jeke menyu, interaktiv prezentaciyalar, multimedia-qosımshalar, sanaqlı minutlarda dástúriy taminatlardı jaratıw;
Proektke túrli fotografiya, muzıka, video, animatsiya, tekst hám basqalardı biriktire alıw qásiyeti;
Web-qosımsha jaratıwǵa arnalǵan quramalastırılǵan úskeneler;
XML, SQL hám shifrlaw mexanizmleri menen isley alıwı;
RTF-formatlı hújjetler menen isley alıwı;
Slayd-shou menen islew imkaniyatı;
Tekst reńin ózgertiw ushın RadioButton obyektiniń barlıǵı;
Baspaǵa shıǵarıwdıń keńeytirilgen funksiyası
Obyektlerdi formatlaw imkaniyatı;
Giltli sózler járdeminde izlew sistemasınıń barlıǵı;
CD, DVD kibi kompakt disklerge jazıw imkaiyatı h.t.b.
AutoPlay Media Studio iske túsirilgennen soń, dáslep proekt penen baylanıslı bir neshe buyrıqlardı óz ishine alıqshı baylanıs aynası júzege keledi (1-súwret):
1-1-súwret.AutoPlay dástúriniń iske túsiwi
Bul baylanıs aynasında tómendegi tort usınıs alǵa súrilgen boladı:
Create a new project (Jańa proekt jaratıw);
Open an existing project (Jaratılǵan proektlerden birin ashıw);
Restore last open project (Aqırǵı islengen proektti ashıw);
Exit AutoPlay Media Studio (Dástúrden shıǵıw).
AutoPlay hár bir buyrıq túymesi funksiyasi hám oǵan sáykes scriptlar ushın tayar kodlar toplamında usınıs etedi. Bul tayar kodlardan qolaylıraq paydalanıw ushın dástúrdiń inglis tilindegi variant menen islegen maqul.
Solay etip, joqarıdaǵı usınısqa kóre biz “Creat a new project” bólimin tańlasaq, ol jaǵdayda bir neshe jańa proekt shablonların usınıs etiwden ibarat tómendegi baylanıs aynası júzege keledi (2-súwret):
Do'stlaringiz bilan baham: | 
