Аудиторское заключение

Қуйидаги атамаларга изоҳ беринг: Малакавий талаблар, аҳлоқий талаблар, аудитор малакасини ошириш шартлари, касб этикаси, аудитор компетентлиги, махфийлик, мустақиллик, виждонлилик, адолатлилик, лицензия талаблари, лицензияни бекор қилиш ва тўхтатиш, аудитор иш сифатини назорат қилиш.


1-амалий машғулот.
1-Масала. «Инфо-бухгалтер» ташкилоти аудиторлик ташкилотига бухгалтерия ҳисобини компьютерлаштириш юзасидан мурожаат килди. Ушбу аудиторлик ташкилоти «Инфо-бухгалтер» ташкилотини бир неча йилдан бери текширувдан ўтказади ва ташкилотнинг молиявий ва бошқарув ҳисоби муаммоларини ва хусусиятларини яхши билади.
Топшириқ: Агар аудиторлик ташкилоти корхонага компьютерлаштириш юзасидан хизмат кўрсатса, аудиторлик текшируви ўтказаётган вактда аудиторнинг мустақиллигига таъсир кўрсатадими?


2-Масала. «Яндех» фирмасининг таъсисчиси аудиторлик ташкилотига «Яндех» фирмаси ижрочи директорини ишдан бқшатиш мақсадида аудиторлик текшируви ўтказишга таклиф қилди. Текширувнинг тўлов ҳақи қўйилган мақсадга эришишдан келиб чиқиб белгиланади.
Топшириқ: Аудиторнинг тутадиган йўлини аниқланг?


3-масала. Сиз «Афруз» фирмасини текшираётган аудиторсиз. Сизнинг аудиторлик фирмангизга офис учун ижарага бино керак. «Афруз» фирмаси Сизга ўзининг мулки ҳисобланган бинони ижарага олишни таклиф қилди.
Топшириқ: Бу таклиф қабул қилинса аудиторлик фирмасининг мустаққиллиги йўқоладими? Ҳолатларни таҳлил қилинг.


4-масала. "ЭйнБиСи" аудиторлик ташкилоти 3 йил олдин ташкил этилган. У ҳозирги кунга қадар катталашиб кетган ва ўз филлиалларига эга. Фирма аудиторлик хизмати кўрсатади ва қўшимча равишда Солиқ Қонунчилиги масалалари бўйича маслаҳатлар беради.
Топшириқ: Бу маслаҳатлар аудиторлик хизматига кандай таъсир кқрсатади.


5-масала. "ЭйБиСи" аудиторлик фирмасининг аудитори Ахмедов А.И. ўзининг малакавий хизмати тўғрисида матбуотда ва радиода реклама қилиб, маҳоратлилик даражаси ва бошқа аудиторларга нисбатан юқори малакали эканлигини эълон қилди. Шунинг билан биргаликда хизмати учун тўланадиган суммани ҳам ошкор қилди.