Аудиторское заключение

Қуйидаги атамаларга изоҳ беринг: Аудиторлик фаолиятининг меъёрий ҳуқуқий асослари, аудиторлик фаолиятини лицензиялаш, малака сертификати, аудиторларни аттестациядан ўтказиш, аудит стандартлари, фирма ички стандартлари, аудитор этикаси, аудитор ва аудиторлик ташкилотларининг мустақиллиги, аудиторлик ташкилотларининг ҳуқуқлари, мажбуриятлари ва жавобгарлиги.
1-амалий машғулот.
1-Масала. Бир неча ҳафта мобайнида тадбиркор Хамроев А. ва аудитор вилоятлар бўйлаб саёҳат қилмоқда. Тадбиркор Хамроев А. саёҳати давомида турли хил корхоналарда ҳисса қўшиш имкониятини қидирмоқда. Аудитор тадбиркорга капитал қўйиш борасида маслаҳатлар бериши ҳамда тадбиркор билан шерикчилик асосида ташкил қилинган корхонанинг йиллик ҳисоботини текширувдан ўтказиши зарур.
Топшириқ: 1.Йиллик ҳисоботни текшираётганда аудиторларнинг мустақиллик тамойилидан келиб чиққан ҳолда аудиторга ҳам маслаҳатчи ҳам аудитор деб баҳо бериш мумкинми? Ҳолатларни таҳлил қилинг.


2-Масала. «Машхура» фирмаси 2006 йилнинг март ойида ишлаб чиқариш фаолиятини кенгайтириш мақсадида кредит олиш учун банкка мурожаат қилди. Банк фирмадан 2005 йил йиллик ҳисоботини ишончлилигини тасдиқлаб берадиган аудиторлик хулосасини сўради. «Машхура» фирмаси мажбурий аудиторлик текширувига тортиладиган корхоналар туркумига кирмаганлиги сабабли аудиторлик текширувини ўтказмаган эди. Лекин 2005 йилнинг ноябрь ойида солиқ инспекцияси томонидан ҳужжатли текширув ўтказилган бўлиб, фирма банкга ушбу текширув далолатномасини тақдим этди.
Топшириқ: Банк ушбу текширув далолатномасини аудиторлик хулосаси сифатида қабул қилишга ҳақлими?


3-Масала. Аудиторлик фирмасида мижоз корхонанинг қуйидаги бухгалтерлик, иқтисодий ва ҳуқуқий хужжатлари мавжуд:
Бухгалтерия баланси, молиявий натижалар тўғрисидаги ҳисобот, пул маблағларининг харакати ва хусусий капитал тўғрисидаги ҳисоботлар, балансга тушунтириш хати, бизнес режа, буйруқ ва хўжалик шартномалари, корхонанинг штат жадвали, хужжат айланиш графиги, ўтган йилги аудиторлик текшируви хулосаси.
Аниқланг: 1.Аудитор режалаштириш жараёнида мижоз ҳақидаги яна қайси хужжатларни тўплаш керак ва текшириш ўтказишнинг қайси усулларидан фойдаланишни режалаштиради.