Аудиторское заключение

4-мавзу: Аудиторлик фаолиятининг ташкилий асослари


НАЗОРАТ САВОЛЛАРИ

1. 
   Аудиторлик текшириш ўтказишнинг шакллари ва усулларини ким аниқлайди?
   
2. 
   Аудитор бошқа аудиторлар ёки экспертларнинг материалларидан фойдаланиш мумкинми, нима учун?
   
3. 
   Аудиторлик ташкилоти аудиторлик текшириш ўтказилган субъектнинг маълумотларини унинг розилигисиз ошкор қилишга ҳуқуқи борми?
   
4. 
   Аудиторлик ташкилоти қуйидаги фаолиятлар билан шуғулланиш мумкинми?
   

- Ишлаб чиқариш фаолияти?
- Савдо фаолияти?
- Тадбиркорлик фаолияти?
- Воситачилик фаолияти?

5. 
   Қандай турлаги хизматлар аудитга тегишли хизматлар ҳисобланади?
   

Қуйидаги атамаларга изоҳ беринг: Фаолиятнинг ташкилий асослари, шартнома тузиш, мижоз фаолияти билан танишиш, розилик ва мажбурият хатини олиш, аудиторлик фаолиятига хос профессионал хизматлар, аудит масштабини белгилаш, текширувга қўйилган талаблар.


1-амалий машғулот.
1-Масала. Аудитор буюртмачиларидан бирининг ҳали эълон қилинмаган балансини аудиторлик фирманинг бошлиғи бошқа ходимлари билан муҳокама қилмоқда.
Аниқланг: Бу ҳолатда сир сақлаш мажбурияти бузилганми? Ҳолатларни таҳлил қилинг.


2-Масала. Йиллик ҳисоботни текшириш жараёнида аудитор буюртмачи томонидан рақобатбардош корхона сотиб олинаётганлигини аниқлади. Агар бу маълумотлар маълум бўлса, рақобатбардош корхона акциялари курси ошади. Аудитор воситачи томонидан корхона акцияларини сотиб олишга қарши эмас ва шу тарзда у кўпроқ фойда олиш имкониятини қидирмоқда.
Аниқланг: Бундай ҳолатда у ўзининг профессионаллик мажбуриятини бузмаяптими? Ҳолатларни таҳлил қилинг.


3-Масала. Аудит ўтказиш жараёнида бош аудитор оддий аудиторга аудит ўтказилаётган корхонанинг солиқлар бўйича ҳисоб-китобларини Ўзбекистон Республикаси Солиқ қонунчилигига асосан текшириб чиқиш юзасидан топшириқ берди. Текшириш тугагач, оддий аудитор солиқлар бўйича ҳисоб-китобларда ҳеч қандай хато аниқланмаганлигини маълум қилди. Аудит жараёнида бир ҳафтадан сўнг ҳисобот тайёрланди. Икки ой ўтгандан сўнг солиқ инспекцияси томонидан текшириш ўтказилиб, солиқ ҳисоб-китоблари бўйича бир қатор камчиликларни аниқлади. Шунга кўра, корхона, ҳисобланган солиқларни ва жарималарни тўлаши зарур бўлди. Мижоз қонуний асосда аудиторлик ташкилотига нима сабабдан бу хато-камчиликлар текшириш пайтида аниқланмаганлиги ҳақида мурожаат қилди.