Аудиторское заключение

18-мавзу: Маҳсулот ишлаб чиқариш ва сотишнинг аудити


Қуйидаги атамаларга изоҳ беринг: Асосий ва ёрдамчи ишлаб чиқариш харажатлари, умумий ишлаб чиқариш харажатлари, бевосита ва билвосита харажатлар, устама харажатлар, маҳсулот таннархини аниқлаш усуллари, ишлаб чиқаришдаги брак, тайёр маҳсулотнинг баҳоланиши ва сақланиши, сотиш билан боғлиқ харажатлар, маҳсулот сотишдан тушган тушум ва соф тушум.
1-амалий машғулот.
1-масала. Ишлаб чиқариш корхонасини аудиторлик текширувидан ўтказиш вақтида қуйидагилар аниқланди:

1. 
   Корхона ходимларига медицина хизмати кўрсатиш учун пул тўланган:
   

Д-т 2510 К-т 5110 3000 минг сўм.

2. 
   Корхона ходимлари фарзандларининг дам олишлари учун лагерга путёвка олинган:
   

Д-т 9430 К-т 5110 1500 минг сўм.

3. 
   Оборот маблағларини тўлдириш учун олинган қисқа муддатли кредит фоизи тўланган:
   

Д-т 6810 К-т 5110 74 минг сўм.

4. 
   8- март «Хотин-қизлар байрами» муносабати билан совға олинган
   

Д-т 9420 К-т 5010 270 минг сум.
Талаб қилинади: Харажатларни ҳисобга олишдаги хатоликларни аниқланг.


2-масала. Аудитор томонидан ускунани монтаж қилиш учун сарфланган харажатларни ишлаб чиқариш харажатлари таркибига киритилганлиги аниқланди. Ушбу монтаж ишлари монтаж қилувчи ташкилот томонидан бажарилган бўлиб, ушбу монтаж амалдаги асосий воситаларни реконструкция (модернизация) қилиш ишлари таркибига киритилади.
Талаб қилинади: Бу ҳолатда қандай меъёрий хужжат бузилган? Хатонинг сабабини аниқланг ва ушбу муомалаларни акс эттирувчи бухгалтерия проводкаларини беринг.


19-мавзу: Пул маблағлари аудити


Қуйидаги атамаларга изоҳ беринг: Касса кирим ва чиқим ордерлари, касса китоби, кассир ҳисоботи, тўлов талабномаси ва топшириқномаси, банк кўчирмаси, инкассо талабномаси, картотека, аккредитивлар, чек дафтарчалари, чет эл валютаси, валюта курсларидан фарқлар.