Аудиторлик фаолияти тўғрисидаги қонунга мувофиқ, қуйидагилар ҳар йили мажбурий аудиторлик текширувидан ўтиши керак

Аудиторлик фаолияти тўғрисидаги қонунга мувофиқ, қуйидагилар ҳар йили мажбурий аудиторлик текширувидан ўтиши керак:

• 
  акциядорлик жамиятлари;
  
• 
  банклар ва бошқа кредит ташкилотлари;
  
• 
  суғурта ташкилотлари;
  
• 
  инвестиция фондлари ҳамда юридик ва жисмоний шахсларнинг маблағларини жамлаб турувчи бошқа фондлар ва уларнинг бошқарув компаниялари;
  
• 
  манбалари юридик ва жисмоний шахсларнинг ихтиёрий бадалларидан ташкил топган хайрия фондлари ва бошқа ижтимоий фондлар;
  
• 
  маблағларининг ҳосил бўлиш манбалари қонун ҳужжатларида назарда тутилган юридик ва жисмоний шахсларнинг мажбурий ажратмаларидан ташкил топган бюджетдан ташқари фондлар;
  
• 
  устав капиталида давлатга тегишли улуш бўлган хўжалик юритувчи субъектлар.
  

Аудит ва тафтиш ўртасидаги фарқлар

№	Фарқ қиладиган белгилар	Аудит	Тафтиш
1	Мақсадлари	молиявий ҳисобот ишончлилиги юзасидан фикр билдириш, хизматлар кўрсатиш, мижозга ёрдам бериш ва ҳамкорлик қилиш	бартараф этиш мақсадида камчиликларни аниқлаш ва айбдор шахсларни жазолаш.
2.	Тавсифи	ишбилармонлик фаолияти	ижроий фаолият, фармойишларни бажариш
3.	Ўзаро ҳуқуқий муносабат асослари	Фуқаролик ҳуқуқи, хўжалик шартномаларга асосан амалга ошириш	Маъмурий ҳуқуқ, мажбурийлик, юқори ташкилот ёки давлат идоралари фармойишларига мувофиқ амалга ошириш
4.	Бошқарув алоқалари	горизонтал (-) алоқалар, мижоз билан муносабатларда тенг ҳуқуқлилик, унинг олдида ҳисобот бериш	вертикал (|) алоқалар, юқори бўғин томонидан тайинланиш, ижроси тўғрисида унга ҳисобот бериш
5.	Хизматларга тўлов тамойиллари	тўловни мижоз-корхона ёки аудиторлик текширувини буюртмачиси шартнома асосида амалга оширади	тўловни юқори бўғин ёки давлат идораси амалга оширади
6.	Амалий масалалар	мижознинг молиявий ҳолатини яхшилаш, пассив (инвестор, кредитор) лар жалб қилиш, мижозга маслаҳатлар билан ёрдам бериш	активларни сақлаш, суиистеъмолчиликларни бартараф этиш ва олдини олиш
7.	Натижалар	Аудиторлик ҳисоботи ва аудиторлик хулосаси тузиш билан якунланади. Молиявий ҳисоботнинг ишончлилигини тасдиқловчи аудиторлик хулосасининг якуний қисми чоп этилиши мумкин	далолатнома - бу барча аниқланган, ҳатто аҳамиятсиз бўлган камчиликлар қайд этилган ички ҳужжат. Далолатнома юқори ташкилотга ёки бошқа идораларга тақдим этилиши мумкин.