Audit va taftish tushunchalari, o’xshashlik va farqli jihatlari

ЎЗБЕКИСТОН РЕСПУБЛИКАСИДА АУДИТОРЛИК ФАОЛИЯТИНИНГ ҲУҚУҚИЙ АСОСЛАРИ.

РЕЖА:

1.Ўзбекистонда аудиторлик фаолиятига оид меъёрий ҳужжатларнинг мазмуни ва аҳамияти.

2. Ўзбекистонда Аудиторлик фаолиятини тартибга солишнинг ўзига хос хусусияти.

3.Ўзбекистон Республикаси Корхоналари аудити тизимида аудиторлик малака сертификатини берилиши тартиби.

Аудиторлик тўғрисида янги меъёрий ҳужжатлар қабул қилиниш сабаблари

Ўзбекистонда аудит 1991 йилда ташкил топа бошлади. Уша даврда аудиторлик фаолиятини ҳуқуқий тартибга солувчи бир қатор меъёрий ҳужжатлар қабул қилиниб, бугунги кунда кўпгина меъёрий ҳужжатлар қонун доирасида бекор қилиниб, уларни ўрнига ҳалқаро меъёрларга жавоб берадиган янги такомиллаштирилган, янги қонунлар, қарорлар ва меъёрий ҳужжатлар яратила бошланди.

Мамлакатимизда 30 йилдан ортиқ вақт оралиғида тўпланган ижобий тажриба ва эришилган ютуқлар билан биргаликда тўпланиб келаётган маълум ижтимоий –иқтисодий муаммоларга барҳам бериш ва ҳуқуқий ечимларини топиш мақсадида амалий чоралар кўрилишига зарурат туғилди.

Тўпланиб қолган муаммолар ва камчиликларни айрим кўринишлари.

Биринчидан- аудиторлик фирмаларига ишонч даражаси пастлиги, аудиторлик молиявий ҳисоботнинг ҳаққонийлик кафолатининг ўта ишончли эмаслиги, ҳали ҳам корхона раҳбарлари аудит текширувига хавотирли қарашлари мавжудлиги, аудиторлик текширувларини расмиятчилик юзасидан амалга ошириладиган ишлар деб қарашлари.

Иккинчидан- аудиторлик ташкилотларини танлаб олиш бўйича мавжуд чекловлар, нархларни белгилаш борасидаги адолатсизликлар ғирром рақобатни келтириб чиқаради, бунинг оқибатида аудиторлик хизматлари сифати ва аудиторлик хулосаларининг ҳаққонийлигини пасайтиради.

Учинчидан- аудиторларни махсус тайёрлаш ва уларнинг малакасини оширишнинг амалдаги тизими юзаки тусга эга бўлинганлиги, профессионал тайёргарликни камлиги,аудиторлик фаолиятининг халқаро стандартларга мос келмаганлиги аудитор касби нуфузининг пасайишига олиб келган.